Ozyq tehnologııaǵa súıengen utar

Qazaqstannyń qıyr shetinde jatsaq ta, kóńilimiz sergek, qulaǵymyz túrik. Qazaqstan Prezıdenti Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty Joldaýy ıgi maqsattarǵa jeteleýimen tánti etti. Tarıhı qujatta «Máńgilik El» ult­tyq ıdeıasy jarııa etilip, damyǵan 30 el­diń qataryna kirýdiń uzaqmerzimdi 7 strategııalyq basymdyǵy belgilendi. Qaı-qaısysy bolsyn aýqymdylyǵymen, jańa­shyldyǵymen erekshelenedi. О́zim kóp jyldan beri aýyl ­sha­­rýa­­shy­lyǵy salasynda eńbek etip ke­le­­min. Árkez naqty praktıkalyq baǵdar­­la­­ma­lardy júzege asyrýda memle­kettiń qol­daýyna ıe bolyp júrmiz. Tek bıyl­dyń ózinde birqatar qarjylyq jeńil­dik­ter aldyq. Dástúrli Joldaýda aýyl adamdary úshin dástúrli sala bolyp sana­latyn agroónerkásip keshenin ınno­vasııalyq baǵytpen damytý jol­darynyń kún tártibine qoıylýy kez­deısoq emes. О́ıtkeni, álemde azyq-túlik­ke degen suranys ósip keledi. Onyń tapshy­lyǵyn boldyrmaýdyń birden-bir joly – jańa tehnologııalarǵa súıený, ónim­dilikti úzdiksiz arttyrý. Bir sózben aıt­qanda, aldymyzda aýa raıyna baılanysty kezdeısoq jetistikterge aldanyp qalmaı, óndiris ósimin ósirý mindetteri tur. Jer-Ana da mápelegendi, kútkendi súıe­di. Muny jermen jumys isteıtinder jaq­sy bilse kerek. Agrohımıkattardy tıim­di tutyný, qýań jerlerde topyraqty nól­dik óńdeý, zamanaýı tehnıkalar par­kin kóbeıtý sekildi keshendi sharalardy tájirıbege aınaldyrýdyń mańyzy zor. Elbasy taǵy da Qazaqstandy et jáne sút ónimderin eksporttaıtyn óńir­lik iri elge aınaldyrý, maıly jáne azyqtyq ónimderdi kóptep ósirý talabyn qoıdy. Biz sońǵy jyldary osy baǵytqa shyndap bet burýdy oılastyryp, etti iri qara malyn kóbeıtýdi qolǵa alyp otyrmyz. Fermerlerdi uzaqmerzimdi qarjylandyrý buǵan jaǵdaı jasaýda. Alda turǵan mindetter naqty, ıgi maqsatymyz aıqyn. Ol – Elbasy atap ótkendeı, kúshti, qýatty memleket qurý, barlyq salany qamtıtyn jáne úzdiksiz ósýdi qamtamasyz etetin jańǵyrý joly. Sonymen birge, barsha qazaqstandyqtardy «2050» Stra­tegııasynyń maqsatyna jetý jónindegi ju­mysqa belsene qatysýǵa shaqyrdy. Mun­daı úndeýge biz árqashan daıynbyz. Eldigimiz ben birligimiz, erligimiz ben eńbegimiz synalatyn jerde ortaq paryz­ǵa, abyroıly mindetke ún qosý árkimniń azamattyq paryzy bolsa kerek. Muhamedjan LUQPANOV, «Luqpanov» JShS dırektory. Soltústik Qazaqstan oblysy, Aqjar aýdany.