Qazaqstan Respýblıkasy Úkimetiniń qaýlysy №1555

2013 jylǵy 31 jeltoqsan, Astana, Úkimet Úıi Qazaqstan Respýblıkasynyń Ulttyq kásipkerler palatasyna mindetti múshelik jarnalardy tóleý qaǵıdalaryn bekitý týraly «Qazaqstan Respýblıkasynyń Ulttyq kesipkerler palatasy týraly» 2013 jylǵy 4 shildedegi Qazaqstan Respýblıkasy Zańynyń 5-baby 1-tarmaǵynyń 2) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Qazaqstan Respýblıkasynyń Ulttyq kásipkerler palatasyna mindetti múshelik jarnalardy tóleý qaǵıdalary bekitilsin. 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri S.AHMETOV. Qazaqstan Respýblıkasy Úkimetiniń 2013 jylǵy 31 jeltoqsandaǵy № 1555 qaýlysymen bekitilgen Qazaqstan Respýblıkasynyń Ulttyq kásipkerler palatasyna mindetti múshelik jarnalardy tóleý qaǵıdalary 1. Osy Qazaqstan Respýblıkasynyń Ulttyq kásipkerler palatasyna mindetti mýshelik jarnalardy tóleý qaǵıdalary (budan ári - Qaǵıdalar) «Qazaqstan Respýblıkasynyń Ulttyq kásipkerler palatasy týraly» (budan ári - Zań) Qazaqstan Respýblıkasy Zańynyń 5-baby 1-tarmaǵynyń 2) tarmaqshasyna sáıkes ázirlendi jáne kásipkerlik sýbektileriniń Qazaqstan Respýblıkasynyń Ulttyq kásipkerler palatasyna (budan ári - Ulttyq palata) jyl saıynǵy jarnalardy tóleý tártibin aıqyndaıdy. 2. Mindetti múshelik jarnalardyń mólsherin aıqyndaý maqsatynda kásipkerlik sýbektileri: 1) respýblıkalyq bıýdjet týraly zańda belgilengen jáne esepti kúntizbelik jyldyń aldyndaǵy kúntizbelik jyldyń 1 qańtarynda qoldanysta bolatyn, esepti kúntizbelik jyldyń aldyndaǵy kúntizbelik jyldaǵy jyldyq jıyntyq tabysy alpys myń eselengen aılyq eseptik kórsetkishten aspaıtyn kásipkerlik sýbektileri; 2) respýblıkalyq bıýdjet týraly zańda belgilengen jáne esepti kúntizbelik jyldyń aldyndaǵy kúntizbelik jyldyń 1 qańtarynda qoldanysta bolatyn, esepti kúntizbelik jyldyń aldyndaǵy kúntizbelik jyldaǵy jyldyq jıyntyq tabysy alpys myń eselengen aılyq eseptik kórsetkishten asatyn jáne bir jarym mıllıon eselengen aılyq eseptik kórsetkishten aspaıtyn kásipkerlik sýbektileri; 3) respýblıkalyq bıýdjet týraly zańda belgilengen jáne esepti kúntizbelik jyldyń aldyndaǵy kúntizbelik jyldyń 1 qańtarynda qoldanysta bolatyn, esepti kúntizbelik jyldyń aldyndaǵy kúntizbelik jyldaǵy jyldyq jıyntyq tabysy bir jarym mıllıon eselengen aılyq eseptik kórsetkishten asatyn kásipkerlik sýbektileri bolyp bólinedi. 3. Qazaqstan Respýblıkasynyń zańnamasynda ózge kommersııalyq emes uıymdarǵa mindetti túrde múshe bolý belgilengen kásipkerlik sýbektilerin, sondaı-aq memlekettik kásiporyndardy qospaǵanda, osy Qaǵıdalardyń 2-tarmaǵynyń 2) jáne 3) tarmaqshalarynda kórsetilgen kásipkerlik sýbektileri Ulttyq palatasyna mindetti múshelik jarnalardy tóleıdi. Osy Qaǵıdalardyń 2-tarmaǵynyń 1) tarmaqshasynda kórsetilgen kásipkerlik sýbektileri Zańnyń 32-babynyń 9-tarmaǵyna sáıkes bes jyl ishinde mindetti múshelik jarnalar tóleýden bosatylady. 4. Salyq qyzmetiniń organdary jyl saıyn Ulttyq palatanyń suraý salýy boıynsha jyldyq jıyntyq tabysy joǵaryda kórsetilgen ólshemderge sáıkes keletin dara kásipkerdiń, zańdy tulǵanyń ataýy jáne kásipkerlik sýbektileriniń sáıkestendirý nómiri týraly málimetterdi usynady. 5. Qazaqstan Respýblıkasynyń salyq qyzmetiniń organdarynan alynǵan málimetterdiń negizinde Ulttyq palata mindetti múshelik jarnalardy tóleıtin kásipkerlik sýbektileriniń tizimderin qalyptastyrady. 6. Qazaqstan Respýblıkasynyń Úkimeti bekitken shekti mólsherler sheńberinde Ulttyq palatanyń sezi belgilegen mindetti múshelik jarnalardyń mólsherin Ulttyq palata jyl saıyn 1 shildege deıingi merzimde buqaralyq aqparat quraldarynda, onyń ishinde ınternet-resýrstarda jarııalaıdy. 7. Ulttyq palata mindetti múshelik jarna boıynsha esepteýdi júzege asyrý úshin salyq qyzmetiniń organdary bergen málimetterdiń negizinde kásipkerlik sýbektilerine 1 shildege deıingi merzimde qaǵaz jáne/nemese elektrondyq nysanda shottar beredi. 8. Ulttyq palata óziniń resmı ınternet-resýrsynda mindetti múshelik jarnalardy tóleý júzege asyrylatyn shot nómiri jáne ózge qajetti derektemeler týraly aqparatty jarııalaıdy. 9. Kásipkerlik sýbektileri mindetti múshelik jarnalardy jyl saıyn 31 jeltoqsanǵa deıingi merzimde tóleıdi.