Qazaqstan Respýblıkasy Úkimetiniń qaýlysy №1556

2013 jylǵy 31 jeltoqsan,  Astana Úkimet Úıi «Bastapqy medısınalyq-sanıtarııalyq kómek kórsetý qaǵıdalaryn jáne Azamattardy bastapqy medısınalyq-sanıtarııalyq kómek uıymdaryna bekitý qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 1 qarashadaǵy № 1263 qaýlysyna ózgerister men tolyqtyrý engizý týraly «Halyq densaýlyǵy jene densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasynyń Kodeksi 45-babynyń 4-tarmaǵyna sáıkes Qazaqstan Respýblıkasynyń Úkimeti qaýly etedi: 1. «Bastapqy medısınalyq-sanıtarııalyq kómek kórsetý qaǵıdalaryn jáne Azamattardy bastapqy medısınalyq-sanıtarııalyq kómek uıymdaryna bekitý qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 1 qarashadaǵy № 1263 qaýlysyna (Qazaqstan Respýblıkasynyń PÚAJ-y, 2011 j., № 60, 861- qújat) mynadaı ózgerister men tolyqtyrý engizilsin: kórsetilgen qaýlymen bekitilgen Azamattardy bastapqy medısınalyq-sanıtarııalyq kómek uıymdaryna bekitý qaǵıdalarynda: 2, 3, 3-1, 4, 5-tarmaqtar mynadaı redaksııada jazylsyn: «2. Osy Azamattardy bastapqy medısınalyq-sanıtarııalyq kómek uıymdaryna bekitý qaǵıdalary (búdan ári - Qaǵıdalar) Qazaqstan Respýblıkasynyń azamattaryn jáne oralmandardy tegin medısınalyq kómektiń kepildik berilgen kólemin kórsetetin bastapqy medısınalyq-sanıtarııalyq kómek uıymdaryna (budan ári - BMSK) bekitý tártibin aıqyndaıdy. 3. Qazaqstan Respýblıkasynyń azamattaryn jáne oralmandardy BMSK uıymdaryna tirkeý - BMSK uıymdarynyń BMSK kórsetý jene azamattardyń tegin medısınalyq kómektiń kepildik berilgen kólemi (budan ári - TMKKK) sheńberinde ony alý quqyqtaryn iske asyrý boıynsha mindettemelerin tirkeý. 3-1. BMSK kórsetetin medısınalyq uıymdarǵa naqty bekitilgen halyqtyń sany, aýmaqtyq qyzmet kórsetý ýchaskeleri, ýchaskelik qyzmettiń (jalpy praktıka qyzmeti) dárigerleri men orta medısına personaly týraly aqparat bekitilgen halyq tirkeliminiń derekqorynda qalyptastyrylady. Bekitilgen halyq tiziliminen BMSK uıymdarynyń bólinisinde bekitilgen halyqtyń bolýy týraly aqparat Qazaqstan Respýblıkasy Úkimetiniń qaýlysymen bekitiletin Tegin medısınalyq kómektiń kepildik berilgen kólemin kórsetý jáne shyǵyndardy óteý jónindegi qyzmetter berýshilerdi tańdaý qaǵıdalarynyń talaptaryna sáıkes keletin BMSK uıymdary arasynda TMKKK ornalastyrý úshin negiz bolyp tabylady. 4. BMSK uıymdaryna azamattar men oralmandardy bekitý medısınalyq uıymdy erkin tańdaý quqyǵy boıynsha basqa ákimshilik-aýmaqtyq birlikte ornalasqan jaqyn jerdegi BMSK uıymyna bekitiletin shekaralas aýmaqtarda turatyn azamattar men oralmandardy qospaǵanda, turaqty nemese ýaqytsha turǵylyqty, jumys isteıtin, oqıtyn jeri boıynsha bir ákimshilik-aýmaqtyq birlik sheginde dárigerdi, medısınalyq uıymdy erkin tańdaý quqyǵy negizinde júzege asyrylady. 5. Azamat jáne oralman BMSK uıymynyń bireýine ǵana bekitiledi.»; 8,9, 10, 11, 12, 13-tarmaqtarmynadaı redaksııadajazylsyn: «8. BMSK uıymy bekitýdi azamattar men oralmandar óz erkimen júgingen kezde júzege asyrady. Otbasynyń árbir múshesiniń jeke basyn kýálandyratyn qujattary (jeke kýáligi, pasport, týý týraly kýálik, Qazaqstan Respýblıkasynyń zańnamasynda belgilengen tártippen berilgen ózge de qujat) bolǵan kezde otbasy músheleriniń bireýiniń erkin nysandaǵy ótinishiniń jáne otbasy músheleriniń bekitýge jazbasha kelisiminiń negizinde otbasy múshelerin bekitýge jol beriledi. 9. Osy Qaǵıdalardyń 7-tarmaǵynda kórsetilgen qujattar bolǵan kezde densaýlyq jaǵdaıy boıynsha BMSK úıymyna ózdiginen kelýge múmkindigi joq adamdardy bekitý BMSK uıymdarynda olardyń jazbasha nemese «elektrondyq úkimet» veb-portaly arqyly elektrondyq formatta júginýi boıynsha júzege asyrylady. On segiz jasqa tolmaǵan adamdardy bekitý, bekitiletin adamnyń jene onyń zańdy ókiliniń jeke basyn kýelandyratyn kújat bolǵan kezde onyń zańdy ókilderiniń erkin nysandaǵy ótinishiniń negizinde júzege asyrylady. 10. Azamattar men oralmandardy BMSK uıymdaryna bekitý bekitilgen halyq sanynyń normatıvterine sáıkes júzege asyrylady. Bekitilgen halyq sanynyń normatıvteri týraly aqparatty densaýlyq saqtaýdy memlekettik basqarýdyń jergilikti organdary búqaralyq aqparat qúraldary arqyly azamattarǵa jáne oralmandarǵa jetkizedi jáne BMSK uıimdarynda tanystyrý úshin qoljetimdi jerlerge ornalastyrady. 11. BMSK úıymdaryna azamattardy jáne oralmandardy bekitýdi ózgertý: 1) turaqty nemese ýaqytsha turǵylyqty, júmys isteıtin jáne oqıtyn jeri ákimshilik-aýmaqtyq birlik sheginen tys jerge ózgergen kezde; 2) BMSK uıymy qaıta uıymdastyrylǵan nemese taratylǵan jaǵdaılarda; 3) azamat jáne oralman dáriger men medısınalyq uıymdy erkin tańdaǵan kezde jylyna bir retten jıi emes; 4) halyqty BMSK uıymdaryna bekitý naýqany kezinde júzege asyrylady. 12. Azamattar men oralmandar tikeleı júgingen kezde olardy BMSK uıymdaryna bekitken kezde budan buryn bekitilgen BMSK uıymdarynan esepten shyǵarý bekitilgen halyq tizilimi arqyly avtomatty túrde júzege asyrylady. BMSK úıymdaryna «elektrondyq úkimet» veb-portaly arqyly elektrondyq formatta bekitilgen kezde budan buryn bekitilgen BMSK uıymdarynan esepten shyǵarý avtomatty túrde júzege asyrylady. 13. Azamattar men oralmandar BMSK uıymyna bekitýdi erkin tańdaǵan kezde olarǵa osy uıym mamandarynyń úıde qyzmet kórsetý múmkindigi aldyn ala kelisiledi jáne bekitý anyqtamasynda (talonynda) kórsetiledi.»; mynadaı mazmundaǵy 15-tarmaqpen tolyqtyrylsyn: «15. Azamattar men oralmandardy TMKKK sheńberinde BMSK kórsetetin, jeke medısınalyq praktıkamen aınalysatyn jeke tulǵalarǵa bekitý osy Qaǵıdalarǵa sáıkes BMSK uıymdaryna bekitý sııaqty júzege asyrylady.». 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mıııstri S.AHMETOV.