Qazaqstan Respýblıkasynyń Memlekettik qyzmet isteri agenttiginiń buıryǵy № 06-7/189

2013 jylǵy 25 jeltoqsan,  Astana qalasy Memlekettik qyzmet isteri jónindegi ýákiletti organnyń Tártiptik komıssııasy týraly Erejesin bekitý týraly Qazaqstan Respýblıkasy Prezıdentiniń 1999 jylǵy 31 jeltoqsandaǵy № 321 Jarlyǵymen bekitilgen Qazaqstan Respýblıkasynyń memlekettik ákimshilik qyzmetshilerine tártiptik jaza qoldaný erejesiniń 6-tarmaǵyna sáıkes, buıyramyn: 1. Qosa berilgen Memlekettik qyzmet isteri jónindegi ýákiletti organnyń tártiptik komıssııasy týraly Erejesi bekitilsin. 2. Qazaqstan Respýblıkasy Memlekettik qyzmet isteri agenttiginiń Inspeksııa jáne baqylaý bólimi (Q.A. Japaqov) osy buıryqty Qazaqstan Respýblıkasynyń zańnamasynda bekitilgen tártippen Qazaqstan Respýblıkasy Ádilet mınıstrliginde memlekettik tirkelýdi jáne keıinnen ony buqaralyq aqparat quraldarynda resmı jarııalaýdy qamtamasyz etsin. 3. Osy buıryq alǵash resmı jarııalanǵan kúninen keıin on kúntizbelik kún ótken soń qoldanysqa engiziledi. Tóraǵa A.BAIMENOV. Qazaqstan Respýblıkasynyń Memlekettik qyzmet isteri jónindegi agenttigi Tóraǵasynyń 2014 jylǵy 25 jeltoqsandaǵy № 06-7/189 buıryǵymen bekitildi Memlekettik qyzmet isteri jónindegi ýákiletti organnyń tártiptik komıssııasy týraly Ereje 1. Jalpy erejeler 1. Memlekettik qyzmet isteri jónindegi ýákiletti organnyń tártiptik komıssııasy týraly Erejesi (budan ári – ýákiletti organnyń komıssııasy) Qazaqstan Respýblıkasy Prezıdentiniń 1999 jylǵy 31 jeltoqsandaǵy №321 Jarlyǵymen bekitilgen Qazaqstan Respýblıkasynyń memlekettik ákimshilik qyzmetshilerine tártiptik jaza qoldaný qaǵıdalaryna sáıkes ázirlendi. 2. Ýákiletti organnyń komıssııasy - memlekettik qyzmet isteri jónindegi ýákiletti organda (budan ári - Agenttik) tártiptik jaýapkershilikke ákep soǵatyn, sybaılas jemqorlyq quqyq buzýshylyǵyn jasaǵan, sondaı-aq Qazaqstan Respýblıkasy memlekettik qyzmetshileriniń Ar-namys kodeksin (Memlekettik qyzmetshiler qyzmet etıkasynyń qaǵıdalary) buzýǵa jol bergen V-1, S-1, S-2 sanattaryndaǵy qyzmetshilerge qatysty tártiptik isterdi qaraý úshin qurylatyn turaqty alqaly organ. 3. Ýákiletti organnyń komıssııasy óziniń qyzmetinde Qazaqstan Respýblıkasynyń Konstıtýsııasyn, Qazaqstan Respýblıkasynyń «Memlekettik qyzmet týraly», «Sybaılas jemqorlyqqa qarsy kúres týraly» zańdaryn, Qazaqstan Respýblıkasynyń basqa normatıvtik quqyqtyq aktilerin, sondaı-aq osy Erejeni basshylyqqa alady. 2. Ýákiletti organnyń komıssııasynyń negizgi fýnksııalary 4. Ýákiletti organnyń komıssııasynyń negizgi fýnksııalarymen: 1) osy Erejeniń 2-tarmaǵynda kórsetilgen memlekettik qyzmetshilerdi tártiptik jaýapkershilikke tartý jónindegi memlekettik ortalyq organdarynyń basshylary atyna usynystar ázirleý jáne tártiptik isterdi qarastyrý; 2) memleket Basshysyna jáne Qazaqstan Respýblıkasynyń Úkimetine Qazaqstan Respýblıkasynyń memlekettik qyzmetti jetildirý máseleleri jónindegi usynystardy engizý; 3) memlekettik tártipti nyǵaıtý, memlekettik organdardyn laýazymdy tulǵalarymen memlekettik qyzmet týraly zańnama men sybaılas jemqorlyqqa qarsy kúres zańnamanyń talaptaryn saqtalýyn qamtamasyz etý jóninde nusqaýlar men usynystar ázirleý; 4) memlekettik ákimshilik qyzmetshilerdiń tártiptik isterdi qarastyrý jónindegi memlekettik organdarynyń tártiptik komıssııanyń jumysyn úılestirý bolyp tabylady. 5. Ýákiletti organnyń komıssııasy fýnksııalaryn júzege asyrý maqsatynda: 1) óziniń májilisterinde memlekettik ortalyq organdardyń, olardyń vedomstvolarynyń basshylaryn tyńdaıdy; 2) quqyq qorǵaý jáne basqa memlekettik organdardan, uıymdardan qujattardy suratady; 3) ortalyq memlekettik organdaryna (Qazaqstan Respýblıkasynyń Prezıdentine tikeleı baǵynatyn jáne esep beretin quqyq qorǵaý jáne arnaýly memlekettik organdar men Qazaqstan Respýblıkasynyń Qorǵanys mınıstrliginen basqa) ózderiniń laýazymdy tulǵalaryna qatysty qyzmettik tekserister júrgizý týraly usynystar engizedi; 4) memlekettik organdardyń tártiptik komıssııanyń jumysyn úılestiredi; 5) ýákiletti organnyń komıssııasyna júktelgen fýnksııalaryn iske asyrý úshin qajetti sharalardy qabyldaıdy. 3. Ýákiletti organnyń komıssııasynyń jumysyn uıymdastyrý 6. Ýákiletti organnyń komıssııasynyń derbes quramy Tóraǵadan, Tóraǵanyń orynbasarynan jáne 5-ten kem emes músheden turady. Ýákiletti organnyń komıssııasynyń quramyna ortalyq memlekettik organdarynyń basshylary (orynbasarlary), sonyń ishinde, quqyq qorǵaý organdarynyń músheleri, Qazaqstan Respýblıkasynyń Parlamenti depýtattary, úkimettik emes uıymdarynyń jáne buqaralyq aqparat quraldarynyń ókilderi jáne basqa laýazymdy tulǵalary kiredi. 7. Ýákiletti organnyń komıssııasynyń Tóraǵasy Agenttik Tóraǵasynyń orynbasary bolyp tabylady, ol: 1) ýákiletti organnyń komıssııasyn basqarady, onyń jumysyn basshylyqqa alýyn iske asyrady jáne uıymdastyrady; 2) ýákiletti organnyń komıssııasy májilisiniń kún tártibin anyqtaıdy; 3) ýákiletti organnyń komıssııasynyń májilisin shaqyrtady jáne onda tóraǵalyq etedi; 4) ýákiletti organnyń komıssııasy májilisinde qaralatyn naqty másele boıynsha baıandaýshyny anyqtaıdy; 5) ýákiletti organnyń komıssııasynyń jabyq májilisin ótkizý týraly sheshimi bekitedi. Ýákiletti organnyń komıssııasynyń Tóraǵasy joq bolǵan kezde, onyń ýákildigi boıynsha májilisterde ýákiletti organnyń komıssııasy Tóraǵanyń orynbasary tóraǵalyq etedi. 8. Ýákiletti organnyń komıssııasynyń jumys organy Agenttiktiń Inspeksııa jáne baqylaý bólimi bolyp tabylady. 9. Ýákiletti organnyń komıssııasynyń hatshysy Agenttiktiń Inspeksııa jáne baqylaý bóliminiń qyzmetkeri bolyp tabylady. Ýákiletti organnyń komıssııanyń hatshysy: 1) ýákiletti organnyń komıssııanyń otyrys hattamasyn júrgizedi; 2) ýákiletti organnyń komıssııanyń sheshimin tıisti memlekettik organǵa joldaıdy; 3) ýákiletti organnyń komıssııanyń is júrgizýin qamtamasyz etedi. 10. Ýákiletti organnyń komıssııanyń Tóraǵanyń qolymen qoıylatyn ýákiletti organnyń komıssııanyń sheshimi hattamamen resimdenedi jáne onyń qabyldanǵan kúninen bes kún merziminde tıisti memlekettik organdarǵa taratylady. 11. Ýákiletti organnyń komıssııasynyń músheleri ýákiletti organnyń komıssııasynyń jumys organymen májiliske úsh kún merzimine deıin májilistiń júrgizý orny, kúni, onyń kún tártibi týraly habarlaný jáne tanystyrý kerek. 12. Ýákiletti organnyń komıssııasynyń májilisi: 1) ýákiletti organnyń komıssııasy músheleriniń jalpy sanynyń úshten ekisi qatysyp otyrsa zańdy dep sanalady; 2) qajettiligine qaraı ótkiziledi; 3) ashyq ótkiziledi, qajet bolǵan jaǵdaıda jabyq májilister ótkizilýi múmkin. 13. Ýákiletti organnyń komıssııasynyń sheshimderdi májiliske qatysýshy ýákiletti organnyń komıssııasy músheleriniń jalpy sanynyń qarapaıym basym daýysymen qabyldanady. Daýystar teń bolǵan jaǵdaıda tóraǵalyq etýshiniń daýysy sheshýshi daýys bolyp tabylady. 14. Tártiptik isti qaraý qorytyndylary boıynsha ýákiletti organnyń komıssııasy mynadaı sheshimderdiń birin shyǵarýy múmkin: 1) tártiptik jazany qoldanýdyń jáne onyń túri týraly usynysty tıisti memlekettik organnyń basshysyna joldaý týraly; 2) osy Erejeniń 15-tarmaǵynda kórsetilgen jaǵdaılarda tártiptik isti toqtatý týraly; 3) memlekettik qyzmetshiniń is-áreketterinde qylmys belgileri bolǵan jaǵdaıda ýákiletti organnyń komıssııasy qujattar men materıaldardy tıisti quqyq qorǵaý organdaryna joldaý týraly. 15. Kelesi jaǵdaılarda: 1) memlekettik qyzmet týraly zańnamamen qarastyrylǵan tártiptik jaza qoldanýdyń merzimderi ótkende; 2) tártiptik is negizsiz qozǵalǵanda; 3) tártiptik teris qylyq quramy bolmaǵanda tártiptik is toqtatylady. Buıryq Qazaqstan Respýblıkasynyń Ádilet mınıstrliginde 2014 jylǵy 27 qańtarda Normatıvtik quqyqtyq kelisimderdi memlekettik tirkeýdiń tizilimine №9097 bolyp engizildi.