L.N.Gýmılev atyndaǵy Eýrazııa ulttyq ýnıversıtetinde osyndaǵy «Káýsar» mádenı-tanymdyq birlestigi uıymdastyrǵan «О́mir-óleń» atty poezııa keshi ótti. Onyń meımany halyqaralyq «Alash» syılyǵynyń laýreaty, Qazaqstannyń eńbek sińirgen qaıratkeri, aqyn Serik Turǵynbekuly boldy.
Aqyn keshin ádettegideı professor Kenjeǵalı Myrjyqbaev júrgizdi.
Ýnıversıtettiń akt zalyndaǵy aldyńǵy eki-úsh qatarǵa qazaqtyń marqasqa uldary jaıǵasypty. Myrzataı Joldasbekov, Seıit Qasqabasov, Qoıshyǵara Salǵarın, Jandarbek Málibekov, Saılaý Batyrshauly syndy aǵalar bastaǵan elordadaǵy zııaly qaýym ókilderiniń úlken shoǵyrynyń keshke arnaıy kórermen retinde qatysýynyń ózi jastarǵa úlgi bolarlyqtaı. Onyń ústine jınalǵan stýdentter kópshiliginiń qoldaryna qalam ustaıtyn bolashaq jýrnalıster ekenin eskersek, halyqqa ónerińmen, óleńińmen, qalamyńmen qyzmet etýdiń qanshalyqty qurmetke bóleıtinin jastarǵa da uqtyra túskendeı. Kesh táliminiń biri osy ma dersiń.
Aqyn aǵa óleńderin erekshe shabyttana oqyp, qoıylǵan saýaldardyń barlyǵyna ózine tán shynaıylyǵymen jaýap berip, zaldan túsken replıkalar men júrgizýshi eske túsirgen keı oqıǵalarǵa rahattana kúlip, sahna men kórermen zaly ortasynda tamasha kópir ornatty. Sodan da bolar, zaldan túsken saýaldar da san túrli taqyrypty qamtydy. Birde mahabbat, birde jastar tynysy, birde mýzeı, endi birde poezııa men azamattyq týrasynda qoıylǵan saýaldarǵa jaýap bergen aqyn: «Bizder, shyǵarmashylyq adamdar, aqyn-jazýshylar Keńes ókimeti tusynda jaman ómir súrgen joqpyz. Bir kitabyńnyń qalamaqysyna bir mashına alatyndaı, kúni-túni meıramhana, kúnde basqosýlar, oıyn-kúlki, jaǵań jaılaýda, kóńil kóldeı jaǵdaıda júrdik. Biraq, birde-bir aqyn-jazýshy, qalamger Keńes ókimetin ańsamaıdy, baqytty ǵumyr keshtik dep eseptemeıdi. О́ıtkeni, eliń táýeldi, halqyń qapasta, kóńilińde kireýke, muń jatty. Lenın men Stalındi, partııany ǵana maqtaısyń, al ultyńnyń taǵdyryn, tilińniń tunshyqqanyn, elińniń zaryn aıta almaısyń. Táýelsizdikten asqan baqyt joq. Táýelsizdikke qyzmet etip, onyń qıyndyǵynyń dámin tatqan tipti jaqsy. Ony kórgen aqyn shamyrqanady, jandúnıesi shymyrlaıdy, birde qýanady, birde renjıdi, biraq osynyń barlyǵynyń bıik murat jolyndaǵy, halyq zarynyń óteýine kelgen asyl armannyń oryndalýy ekenin bilip, jaza túsedi. Sender óte baqytty jandarsyńdar. Táýelsizdik zamanda dúnıege keldińder, eshkimniń bodany bolǵan joqsyńdar, azat urpaqsyńdar, aınalaıyndar», dedi jastarǵa arnaǵan sózinde. Stýdentterdiń poezııada kimdi ustaz tuttyńyz, degen saýalyna aqyn: «Maǵan Jazýshylar odaǵyna múshelikke óterde usynym jazǵan, alǵashqy óleńder jınaǵyma alǵysóz jazǵan Muqaǵalıdy qalaı umytaıyn. Muqaǵalı meni dramaǵa da alyp keldi, keshegi kúni Qallekı atyndaǵy akademııalyq teatrda aqıyq aqynǵa arnaǵan dramamnyń 200-shi qoıylymy boldy. Al endi halyqtyń taǵy bir ardaqtysy Shámshiniń de qasynda kóp júrdim. Ánderine sóz jazdym, Shámshi meni ánge alyp keldi», dep jaýap qaıtara kelip, jaqsy bir oı aıtqan. Muqaǵalı Maǵjandy pir tutatyn, onyń óleńderin qoryqpaı jatqa aıtyp, keıbir Maǵjan saryndas óz óleńderin de Maǵjandiki dep oqı beretin. Qazaqta qudaı bergen shoqtyqty aqyndar barshylyq, biraq, ómirden ótken sol asyldardy eske túsirip, jyr keshterin ótkizgende ony týǵan jerlerimen shektemeı, qaıta Maǵjandy ońtústikte, Qasymdy shyǵysta, Muqaǵalıdy batysta ulyqtap, olarǵa degen qurmettiń qanatyn jaıa túsýimiz kerek», dedi.
Káýsardyń taza bulaǵynan qanyp iship, jyrǵa toǵaıyp, aıtylǵan ánge masaıyp, kóńildiń tozańyn ázilmen qaǵyp, janyn jadyratqan jurttyń aldyna kesh sońynda Áshirbek Syǵaı, Ǵadilbek Shalahmetov, Saılaý Batyrshauly syndy aǵalarymen ýnıversıtet rektory Erlan Sydyqov shyqqan. Rektor «ańqyldaǵan aqkóılek aqynǵa» ýnıversıtet atynan syı-sııapat jasap, mundaı keshterdiń jastarǵa berer taǵylymyna toqtalsa, Áshirbek Syǵaı: «Serik shyn máninde aqyn, minezimen, turpatymen, bolmysymen, júris-turysymen, tipti, bet-álpetimen aqyn. Eseptiń emes, naǵyz shabyttyń aqyny. Ádebıetti búldiretin aramshópter. Sol aramshópterden saqtaný úshin Serikterdiń densaýlyǵyn tileýimiz kerek. Serik sııaqty aqyndar shyn máninde búgingi kúnniń qońyraýy, ótkendi eske alýshy, bolashaqtyń boljaýshysy, mundaı shaıyrlar búgingi qoǵamǵa, adamı ortaǵa naǵyz Alla taǵalanyń jibergen elshisindeı kórinedi. Biz qatar ósip kele jatyrmyz. Osy aldyńǵy qatarda otyrǵan azamattardyń qaı-qaısysy da Serikti jaqsy kóredi, búgingi keshke Serikti synaıyn dep emes, Seriktiń jyryna qulaıyn dep keldi, aıyzymyz qanaıyn dep keldi», dep tamsandyra sóılegen.
Jyr keshinde inilik izetpen aqyn Baqytjan Tobaıaqov pen qarlyǵash qanatty qaýyrsyn jyryn, aqyn aǵaǵa degen arnaý óleńin stýdent Kámshat Jubathanova oqydy.
Anar TО́LEÝHANQYZY,
«Egemen Qazaqstan».
–––––––––––––––––
Sýretterdi túsirgen Erlan OMAROV.
L.N.Gýmılev atyndaǵy Eýrazııa ulttyq ýnıversıtetinde osyndaǵy «Káýsar» mádenı-tanymdyq birlestigi uıymdastyrǵan «О́mir-óleń» atty poezııa keshi ótti. Onyń meımany halyqaralyq «Alash» syılyǵynyń laýreaty, Qazaqstannyń eńbek sińirgen qaıratkeri, aqyn Serik Turǵynbekuly boldy.
Aqyn keshin ádettegideı professor Kenjeǵalı Myrjyqbaev júrgizdi.
Ýnıversıtettiń akt zalyndaǵy aldyńǵy eki-úsh qatarǵa qazaqtyń marqasqa uldary jaıǵasypty. Myrzataı Joldasbekov, Seıit Qasqabasov, Qoıshyǵara Salǵarın, Jandarbek Málibekov, Saılaý Batyrshauly syndy aǵalar bastaǵan elordadaǵy zııaly qaýym ókilderiniń úlken shoǵyrynyń keshke arnaıy kórermen retinde qatysýynyń ózi jastarǵa úlgi bolarlyqtaı. Onyń ústine jınalǵan stýdentter kópshiliginiń qoldaryna qalam ustaıtyn bolashaq jýrnalıster ekenin eskersek, halyqqa ónerińmen, óleńińmen, qalamyńmen qyzmet etýdiń qanshalyqty qurmetke bóleıtinin jastarǵa da uqtyra túskendeı. Kesh táliminiń biri osy ma dersiń.
Aqyn aǵa óleńderin erekshe shabyttana oqyp, qoıylǵan saýaldardyń barlyǵyna ózine tán shynaıylyǵymen jaýap berip, zaldan túsken replıkalar men júrgizýshi eske túsirgen keı oqıǵalarǵa rahattana kúlip, sahna men kórermen zaly ortasynda tamasha kópir ornatty. Sodan da bolar, zaldan túsken saýaldar da san túrli taqyrypty qamtydy. Birde mahabbat, birde jastar tynysy, birde mýzeı, endi birde poezııa men azamattyq týrasynda qoıylǵan saýaldarǵa jaýap bergen aqyn: «Bizder, shyǵarmashylyq adamdar, aqyn-jazýshylar Keńes ókimeti tusynda jaman ómir súrgen joqpyz. Bir kitabyńnyń qalamaqysyna bir mashına alatyndaı, kúni-túni meıramhana, kúnde basqosýlar, oıyn-kúlki, jaǵań jaılaýda, kóńil kóldeı jaǵdaıda júrdik. Biraq, birde-bir aqyn-jazýshy, qalamger Keńes ókimetin ańsamaıdy, baqytty ǵumyr keshtik dep eseptemeıdi. О́ıtkeni, eliń táýeldi, halqyń qapasta, kóńilińde kireýke, muń jatty. Lenın men Stalındi, partııany ǵana maqtaısyń, al ultyńnyń taǵdyryn, tilińniń tunshyqqanyn, elińniń zaryn aıta almaısyń. Táýelsizdikten asqan baqyt joq. Táýelsizdikke qyzmet etip, onyń qıyndyǵynyń dámin tatqan tipti jaqsy. Ony kórgen aqyn shamyrqanady, jandúnıesi shymyrlaıdy, birde qýanady, birde renjıdi, biraq osynyń barlyǵynyń bıik murat jolyndaǵy, halyq zarynyń óteýine kelgen asyl armannyń oryndalýy ekenin bilip, jaza túsedi. Sender óte baqytty jandarsyńdar. Táýelsizdik zamanda dúnıege keldińder, eshkimniń bodany bolǵan joqsyńdar, azat urpaqsyńdar, aınalaıyndar», dedi jastarǵa arnaǵan sózinde. Stýdentterdiń poezııada kimdi ustaz tuttyńyz, degen saýalyna aqyn: «Maǵan Jazýshylar odaǵyna múshelikke óterde usynym jazǵan, alǵashqy óleńder jınaǵyma alǵysóz jazǵan Muqaǵalıdy qalaı umytaıyn. Muqaǵalı meni dramaǵa da alyp keldi, keshegi kúni Qallekı atyndaǵy akademııalyq teatrda aqıyq aqynǵa arnaǵan dramamnyń 200-shi qoıylymy boldy. Al endi halyqtyń taǵy bir ardaqtysy Shámshiniń de qasynda kóp júrdim. Ánderine sóz jazdym, Shámshi meni ánge alyp keldi», dep jaýap qaıtara kelip, jaqsy bir oı aıtqan. Muqaǵalı Maǵjandy pir tutatyn, onyń óleńderin qoryqpaı jatqa aıtyp, keıbir Maǵjan saryndas óz óleńderin de Maǵjandiki dep oqı beretin. Qazaqta qudaı bergen shoqtyqty aqyndar barshylyq, biraq, ómirden ótken sol asyldardy eske túsirip, jyr keshterin ótkizgende ony týǵan jerlerimen shektemeı, qaıta Maǵjandy ońtústikte, Qasymdy shyǵysta, Muqaǵalıdy batysta ulyqtap, olarǵa degen qurmettiń qanatyn jaıa túsýimiz kerek», dedi.
Káýsardyń taza bulaǵynan qanyp iship, jyrǵa toǵaıyp, aıtylǵan ánge masaıyp, kóńildiń tozańyn ázilmen qaǵyp, janyn jadyratqan jurttyń aldyna kesh sońynda Áshirbek Syǵaı, Ǵadilbek Shalahmetov, Saılaý Batyrshauly syndy aǵalarymen ýnıversıtet rektory Erlan Sydyqov shyqqan. Rektor «ańqyldaǵan aqkóılek aqynǵa» ýnıversıtet atynan syı-sııapat jasap, mundaı keshterdiń jastarǵa berer taǵylymyna toqtalsa, Áshirbek Syǵaı: «Serik shyn máninde aqyn, minezimen, turpatymen, bolmysymen, júris-turysymen, tipti, bet-álpetimen aqyn. Eseptiń emes, naǵyz shabyttyń aqyny. Ádebıetti búldiretin aramshópter. Sol aramshópterden saqtaný úshin Serikterdiń densaýlyǵyn tileýimiz kerek. Serik sııaqty aqyndar shyn máninde búgingi kúnniń qońyraýy, ótkendi eske alýshy, bolashaqtyń boljaýshysy, mundaı shaıyrlar búgingi qoǵamǵa, adamı ortaǵa naǵyz Alla taǵalanyń jibergen elshisindeı kórinedi. Biz qatar ósip kele jatyrmyz. Osy aldyńǵy qatarda otyrǵan azamattardyń qaı-qaısysy da Serikti jaqsy kóredi, búgingi keshke Serikti synaıyn dep emes, Seriktiń jyryna qulaıyn dep keldi, aıyzymyz qanaıyn dep keldi», dep tamsandyra sóılegen.
Jyr keshinde inilik izetpen aqyn Baqytjan Tobaıaqov pen qarlyǵash qanatty qaýyrsyn jyryn, aqyn aǵaǵa degen arnaý óleńin stýdent Kámshat Jubathanova oqydy.
Anar TО́LEÝHANQYZY,
«Egemen Qazaqstan».
–––––––––––––––––
Sýretterdi túsirgen Erlan OMAROV.
