Sochıdegi XXII Qysqy Olımpııa oıyndarynyń jarystary táýligin 6 aqpannan bastap eseptegende, mundaǵy sańlaqtar burnaǵy kúni tórtinshi saıystar saǵattaryn ótkizdi. Bul kúni, ıaǵnı 10 aqpanda Adlerdiń ashyq-jabyq arenalarynda bes medaldiń jıyntyǵy sarapqa salyndy. Onda bıatlon, taý shańǵysy, konkı sporty, frıstaıldyń mogýl túri jáne short-trek boıynsha júldeler sarapqa tústi. Qazaqstan sportshylary osy saıystardyń barlyǵyna da qatysty.
Al top basynda jalaý jelbiretip, alǵa shyǵýǵa degen umtylys kún asqan saıyn qyza túsýde. Munyń úzdik úlgisi burnaǵy kúni aıqyn kórindi. Túske deıin alda eshkimge des bermeı, eń alda Norvegııa sportshylary tur edi, kún aýa buryn úshtikte bolmaǵan Kanada sart etip, kóshtiń basyna kólbeńdep shyǵa keldi. Mezgil aqshamǵa qulaǵan shamada birinshi belesti Gollandııa sańlaqtary aıaq astynan tartyp áketti. Al tún jarymynda «Úıeńki japyraǵy» eliniń quramasy qaıtadan top basyna shyqty.
JANǴAN ÚMIT PE, JALǴAN ÚMIT PE?
Mine, osylaı bezben basyn sát saıyn almastyrǵan burnaǵy kúnniń jarystary tús aýa bastaldy. Sonyń ishinde bizdiń kóńilimizdi erterek eleńdetip, úmitimizdi kóbirek úkilegen osylardyń eń sońynan kerýen kergen frıstaıldan erlerdiń mogýl baǵdarlamasy boldy. Osydan eki kún buryn Iýlııa Galysheva biraz kúshin sarp etken jarys syndy munyń fınaly da túnniń jarymy aýa támamdaldy. Ádepki eki irikteý synaǵy keshki saǵat 7:30-da aıdaý jolǵa túsken saıystyń úsh fınaldyq bóligi Máskeý mezgilimen týra túngi 22:00-de qanat jaıdy. Ol tolyq aıaqtalǵansha, eki saǵattan astam ýaqyt ketti. Sóıtip, Astana ýaqytymen saǵat 2-den óte bıiktegi «Roza Hýtor» ekstrım-parkinen qalaǵa qaraı aıańdap kele jattyq.
Al jarys bizdiń talmaı tamashalaýymyzǵa tolyq múmkindik berdi. Bul jolǵy jurttyń qarasy ótkendegiden de edáýir kóp kórindi. Bizden úsh jigit óz hal-qaderlerinshe qımyl jasap kórdi. Sonyń ishinde Dmıtrıı Barmashov ekinshi kvalıfıkasııadan qalyp qoısa, Dmıtrıı Reıherd (sýrette) pen Pavel Kolmakov fınalǵa ótti. Munda bizge Pashanyń fınaldyń ekinshi bóligine deıin jetip, 10-orynǵa taban tiregeni aıtarlyqtaı jaǵymdy jańalyq sezildi. Birinshi aınalymnan keıin 29 úmitkerdiń 12-si kelesi kezeńge qadam basty. Budan ári taǵy 6 tarlan bólinip shyǵyp, medal bólisine qyzý kirisip ketti. Osy topqa altynshy bolyp engen Reıherd sońǵy shaıqasta taǵy bir saty ilgeri shyǵyp, týrnırdi 5-orynmen tııanaqtady. Biraq bul joly tóreshilerge ókpemiz qara qazandaı dep aıta almasaq kerek. Dımanyń qarsylastarynyń bári kil «sen tur, men ataıyn» deıtindeı saqa jigitter edi. Altylyqtyń aýqymynda Kanadanyń – úsh, AQSh, Reseı jáne Qazaqstannyń bir-birden sportshylary qaıtpaı shaıqasty. Ásirese, bir eldiń úsh noıany shynymen shalt ta, shabandoz da kórindi. Sony dáleldep, olar alǵashqy eki oryndy ózderinde alyp qaldy.
Qyzyq bolǵanda, osylardyń ekeýinen de ylǵı alda bolyp kelgen úshinshi otandastary sońǵy synaqta sál-pál qatelikke jol berip, tórtinshi orynǵa yǵysyp ketti. Muny baıqaǵan reseılik jankúıerlerdiń qýanyshynda shek bolǵan joq. Bul olardyń úkilep qosqan úmitteri Aleksandr Smyshlıaevtiń keminde qola medal alatynyn bildirip edi. Artynan rasynda solaı bolyp shyqty. Kanadalyqtardyń eń sońynan júgirgen sońǵy ókili nátıjesinde ekinshi orynǵa turaqtady da, reseılik úshinshi satyǵa qaraı jyljyp tústi. Biraq buǵan aıylyn jıǵan Smyshlıaev bolǵan joq. Jarystar aıaqtalǵan boıda jýrnalısterdiń bergen suraqtaryna alyp-ushyp turyp jaýap bergen ol bul jeńisin jaqynda dúnıege kelgen qyzyna arnaıtynyn qýana habarlap jatty.
Al chempıondyq tuǵyrǵa sońǵy sátte ǵana tuıaq iliktirgen Aleksandr Bılado osymen ekinshi márte qatarynan Olımpıadanyń altynyn aldy. Munyń aldynda ol birinshi chempıondyǵyna osydan tórt jyl buryn, óz eliniń tórinde – Kanadanyń Vankýverinde qol jetkizip edi. Buǵan qaraǵanda, onyń otandasy Mıkael Kıngsberı úshin bul jolǵy kúmis medal Oıyndar órnegindegi birinshi joǵary júlde boldy.
Osylaı Qazaqstan sportshylary taǵy da medalǵa taıaq tastam jer qalǵanda, oǵan jete almaı toqtap qaldy. Bizdiń úmit kútken eki mogýlshymyz da osy kórsetkishti qaıtalady. Munyń ózi sol úmitimizdiń janǵan shyraq pa, jalǵan suraq pa ekenin bildirtpeı, oıdy ári-sári etip tastady. Sonda da bolsa, «Qazan aýzy – joǵary» dep otyrmyz. Sebebi, bizdi elden shyqqaly eleńdetip júrgen eren júırikterimiz saıys soqpaǵyna áli tolyq túsken joq. Sondyqtan janǵan úmitimiz áli úlpildep tur.
ÁR KО́LDIŃ О́Z DÝADAǴY BAR
Eger osy kúni saıysqa saılanyp shyqqan sarbazdarymyzdyń bárinen joǵary nátıje kútkenimizdi aıtsaq, onymyz shylǵı ótirik bolyp shyǵar edi. Aqıqaty kerek, ár kóldiń ózi qonar dýadaǵy bolady. Ony biz de paıymdaı alamyz. Sondyqtan atam qazaqtyń «Alýan-alýan júırik bar, áline qaraı shabady» degen naqylyn jıi qaperimizge kirgizip qoıamyz.
Bizdiń jigitter de solaı áline qaraı shapty, baǵyna qaraı tapty. Olardan eki mogýlshymyz – Iýlııa Galysheva men Dmıtrıı Reıherdten kútken kórsetkishti dámetken joqpyz. Iýlııa demekshi, bul qyzymyz qaısybir kúni aıtqany ótip, atqany jetip turǵan tóreshiler tarapynan tartqan dákkisiniń dúmpýimen óziniń sportty tastaıtynyn jaıyp salypty. Biz onyń munysyn ashýmen aıtqan albyrt sóz shyǵar dep, alaý kóńilimizdi aldarqatyp otyrmyz. Áıtpese, 21-ge jańa kelgen bul órenderge óreden qolyn sozatyn óskeleń bıikter áli alda qol bulǵaıtyndaı.
Ázirge bizdiń baǵlandardyń baǵyndyrǵan bıigi osylaısha besinshi oryn bolyp otyr. Taǵy eki sańlaǵymyz jetinshi orynnan tizgin tartty. Bulardyń birinshisi Iýlııa bolsa, ekinshisi konkıshi Roman Krechtiń enshisine jazyldy. Adalyn aıtýymyz kerek, osy kúni «Adler-Arena» tórinde 500 metrlik qashyqtyqta atoı salǵan bul jigitimiz naǵyz erlerge tán qylyq tanytty. Kvalıfıkasııada jetinshi orynnan kóringen ol qorytyndysynda da osy oryndy ustap qaldy. Al tuǵyr túgeldeı taǵy gollandııalyq ushqyrlardyń qanjyǵalarynda ketti. Tek sońǵy sátterde ózara oryn aýystyryp alǵandary bolmasa, aldyńǵy eki medaldiń taǵdyry tez sheshildi. Munda buǵan deıin udaıy birinshi bolyp kelgen Iаn Smeekens sońynda ekinshi bolyp qaldy. Onyń ornyn Mıhel Mıýlder basty. Úshinshi orynǵa irikteý synaǵyn altynshy bolyp aıaqtaǵan Ronald Mıýlder ornalasty. Osyndaı alyptardyń aınalasynan tabylǵan Romandy da biz endi osal kórmedik. Sebebi, ol óz múmkindiginiń shegine deıin baryn saldy.
Osylaı sańlaqtarymyzdyń shamasyn bilgendikten shyǵar, erlerdiń 12,5 shaqyrymdyq qashyqtyqtaǵy sprınttik bıatlonynda 29-shy tepkishekten tabylǵan Iаn Savıtskııdiń habaryn alǵash estigen jýrnalıst Ardaq Toǵymov muny birden jap-jaqsy jetistikke balady. Shynynda da dúnıeniń tórt buryshynan kileń yǵaı men syǵaı jıylǵan jahandyq jarysta alǵashqy otyzdyqtyń ishine iligýdiń ózi ońaı sharýa bolmasa kerek. Al onymen qabat túsken Sergeı Naýmık osynyń aldyndaǵy máresiniń mejesinen tabylyp, 58-orynǵa taban tiredi. Al bul joly júldeli úshtikti eki fransýz jáne bir cheh sportshysy qurady. Atap aıtqanda, Olımpıada altynyn fransýz Marten Fýrkad alsa, qola medalǵa onyń otandasy Jan-Gııom Beatrıks qol sozdy. Kúmis medal osylardyń ortasyndaǵy ejelgi Moravııa jerinen shyqqan Ondrjeı Moraveske buıyrdy. Sóıtip, cheh jigiti osynyń aldyndaǵy 10 shaqyrymdyq bıatlonda qola medal alǵan otandasynan bir beles bıikke ketti. Joǵarydaǵy úshtik, sonymen birge, aldyńǵy saıystyń altyn júldegeri norveg Ole-Eınar Borndalendi nagrada sheginen bir saty syrtqa shyǵaryp jiberdi.
Bul kúngi jarystardyń basyn short-trek boıynsha synǵa túsýshiler bastap edi. Onda kanadalyq Sharl Amlen aldyna jan salmady. Ekinshi orynǵa qytaı Tıanıý Han ornyǵyp, óz eline ázirge birinshi jáne sońǵy marapatty alyp berse, reseılik Vıktor An óz quramasynyń qorjynyna kezekti qola medaldi saldy. Jalpy sany 36 sańlaq qyrmanyna qıqý qosqan bul báıgede bizdiń Aıdar Bekjanov – 29-shy, al Denıs Nıkısha 31-shi nátıje kórsetti.
Bul kúni bir jarys aıaqtalmaı qaldy. Dáliregi, áıelderdiń shana sporty boıynsha jarysynyń alǵashqy eki kezeńi ǵana oınaldy. Onyń sońǵy úshinshi jáne tórtinshi júgiristeri keshe túnde jasaldy. Ádepki kúnniń eki synaǵy negizinde 29-orynǵa qonys tepken Ekaterına Aksenova atty qyzymyzdan da endi tabys kúte almasaq kerek.
Serik PIRNAZAR,
«Egemen Qazaqstan» –
Sochıden.
JANǴAN ÚMIT PE, JALǴAN ÚMIT PE?
Mine, osylaı bezben basyn sát saıyn almastyrǵan burnaǵy kúnniń jarystary tús aýa bastaldy. Sonyń ishinde bizdiń kóńilimizdi erterek eleńdetip, úmitimizdi kóbirek úkilegen osylardyń eń sońynan kerýen kergen frıstaıldan erlerdiń mogýl baǵdarlamasy boldy. Osydan eki kún buryn Iýlııa Galysheva biraz kúshin sarp etken jarys syndy munyń fınaly da túnniń jarymy aýa támamdaldy. Ádepki eki irikteý synaǵy keshki saǵat 7:30-da aıdaý jolǵa túsken saıystyń úsh fınaldyq bóligi Máskeý mezgilimen týra túngi 22:00-de qanat jaıdy. Ol tolyq aıaqtalǵansha, eki saǵattan astam ýaqyt ketti. Sóıtip, Astana ýaqytymen saǵat 2-den óte bıiktegi «Roza Hýtor» ekstrım-parkinen qalaǵa qaraı aıańdap kele jattyq.
Al jarys bizdiń talmaı tamashalaýymyzǵa tolyq múmkindik berdi. Bul jolǵy jurttyń qarasy ótkendegiden de edáýir kóp kórindi. Bizden úsh jigit óz hal-qaderlerinshe qımyl jasap kórdi. Sonyń ishinde Dmıtrıı Barmashov ekinshi kvalıfıkasııadan qalyp qoısa, Dmıtrıı Reıherd (sýrette) pen Pavel Kolmakov fınalǵa ótti. Munda bizge Pashanyń fınaldyń ekinshi bóligine deıin jetip, 10-orynǵa taban tiregeni aıtarlyqtaı jaǵymdy jańalyq sezildi. Birinshi aınalymnan keıin 29 úmitkerdiń 12-si kelesi kezeńge qadam basty. Budan ári taǵy 6 tarlan bólinip shyǵyp, medal bólisine qyzý kirisip ketti. Osy topqa altynshy bolyp engen Reıherd sońǵy shaıqasta taǵy bir saty ilgeri shyǵyp, týrnırdi 5-orynmen tııanaqtady. Biraq bul joly tóreshilerge ókpemiz qara qazandaı dep aıta almasaq kerek. Dımanyń qarsylastarynyń bári kil «sen tur, men ataıyn» deıtindeı saqa jigitter edi. Altylyqtyń aýqymynda Kanadanyń – úsh, AQSh, Reseı jáne Qazaqstannyń bir-birden sportshylary qaıtpaı shaıqasty. Ásirese, bir eldiń úsh noıany shynymen shalt ta, shabandoz da kórindi. Sony dáleldep, olar alǵashqy eki oryndy ózderinde alyp qaldy.
Qyzyq bolǵanda, osylardyń ekeýinen de ylǵı alda bolyp kelgen úshinshi otandastary sońǵy synaqta sál-pál qatelikke jol berip, tórtinshi orynǵa yǵysyp ketti. Muny baıqaǵan reseılik jankúıerlerdiń qýanyshynda shek bolǵan joq. Bul olardyń úkilep qosqan úmitteri Aleksandr Smyshlıaevtiń keminde qola medal alatynyn bildirip edi. Artynan rasynda solaı bolyp shyqty. Kanadalyqtardyń eń sońynan júgirgen sońǵy ókili nátıjesinde ekinshi orynǵa turaqtady da, reseılik úshinshi satyǵa qaraı jyljyp tústi. Biraq buǵan aıylyn jıǵan Smyshlıaev bolǵan joq. Jarystar aıaqtalǵan boıda jýrnalısterdiń bergen suraqtaryna alyp-ushyp turyp jaýap bergen ol bul jeńisin jaqynda dúnıege kelgen qyzyna arnaıtynyn qýana habarlap jatty.
Al chempıondyq tuǵyrǵa sońǵy sátte ǵana tuıaq iliktirgen Aleksandr Bılado osymen ekinshi márte qatarynan Olımpıadanyń altynyn aldy. Munyń aldynda ol birinshi chempıondyǵyna osydan tórt jyl buryn, óz eliniń tórinde – Kanadanyń Vankýverinde qol jetkizip edi. Buǵan qaraǵanda, onyń otandasy Mıkael Kıngsberı úshin bul jolǵy kúmis medal Oıyndar órnegindegi birinshi joǵary júlde boldy.
Osylaı Qazaqstan sportshylary taǵy da medalǵa taıaq tastam jer qalǵanda, oǵan jete almaı toqtap qaldy. Bizdiń úmit kútken eki mogýlshymyz da osy kórsetkishti qaıtalady. Munyń ózi sol úmitimizdiń janǵan shyraq pa, jalǵan suraq pa ekenin bildirtpeı, oıdy ári-sári etip tastady. Sonda da bolsa, «Qazan aýzy – joǵary» dep otyrmyz. Sebebi, bizdi elden shyqqaly eleńdetip júrgen eren júırikterimiz saıys soqpaǵyna áli tolyq túsken joq. Sondyqtan janǵan úmitimiz áli úlpildep tur.
Medaldar qorjyny
(12 aqpanǵa deıingi málimet)|
Oryn |
Memleket aty |
Altyn |
Kúmis |
Qola |
Jıyny |
|
1 |
Norvegııa |
4 |
3 |
4 |
11 |
|
2 |
Kanada |
4 |
3 |
2 |
9 |
|
3 |
Germanııa |
4 |
1 |
0 |
5 |
|
4 |
Gollandııa |
3 |
2 |
3 |
8 |
|
5 |
AQSh |
2 |
1 |
4 |
7 |
|
6 |
Shveısarııa |
2 |
0 |
0 |
2 |
|
7 |
Reseı |
1 |
3 |
3 |
7 |
|
8 |
Avstrııa |
1 |
3 |
0 |
4 |
|
9 |
Fransııa |
1 |
0 |
2 |
3 |
|
10 |
Belarýs |
1 |
0 |
0 |
1 |
|
10 |
Ońtústik Koreıa |
1 |
0 |
0 |
1 |
|
10 |
Polsha |
1 |
0 |
0 |
1 |
|
10 |
Slovakııa |
1 |
0 |
0 |
1 |
|
14 |
Shvesııa |
0 |
3 |
1 |
4 |
|
15 |
Chehııa |
0 |
2 |
1 |
3 |
|
16 |
Slovenııa |
0 |
1 |
2 |
3 |
|
17 |
Italııa |
0 |
1 |
1 |
2 |
|
17 |
Japonııa |
0 |
1 |
1 |
2 |
|
19 |
Qytaı |
0 |
1 |
0 |
1 |
|
19 |
Fınlıandııa |
0 |
1 |
0 |
1 |
|
21 |
Ulybrıtanııa |
0 |
0 |
1 |
1 |
|
21 |
Ýkraına |
0 |
0 |
1 |
1 |
