Sharaına

Zymyrandaryn synaqtan sátti ótkizdi Iran bıligi ózderiniń jańa eki zymyranyn synaqtan sátti ótkizgenderin málimdedi. «Frans-press» agenttiginiń habarlaýynsha, bul synaqtar Islam tóńkerisiniń 35 jyldyǵyna oraılastyrylyp otyr. Iran qorǵanys mınıstri Hoseın Degan: «Biz ballıstıkalyq zymyrannyń jańa túrin synaqtan sátti ótkizdik», dep má­lim­depti osy jóninde. Mınıstrdiń sózine qaraǵanda, ballıstıkalyq zymyranda áýe qorǵanysy kúshterinen aýytqı alatyn júıe bar. Jańa zymyrandardyń ushý qa­shyqtyǵy aıtylmaǵan. Irannyń eń alysqa ushatyn zymyrany «Shahab-3/3B» dep atalady. Onyń ushý qashyqtyǵy 2,5 myń shaqyrymdy quraıdy. Bul Izraıl aýmaǵyna erkin jetedi.   Shylym shegý shekteledi Brıtanııa parlamenti avtomobılde balalar otyrǵan kezde shylym shegýge tyıym salatyn zań jobasyn qabyldady. Bul qujat Anglııa men Ýelske ǵana qatysty. Bastamaǵa qaýymdar palatasynyń 676 múshesi qoldaý bildirgen, 107 adam qarsy bolǵan. Zań jobasy jóninde eldiń premer-mınıstri Devıd Kemeron sóz sóılegen. Biraq ol daýys berýge qatyspapty. Buǵan deıin osy qujat jobasyna dárigerler men kóptegen balalar quqyǵyn qorǵaýshylar qoldaý bildirip kelgen eken. Atap óteıik, avtomobılde kámelet jasyna tolmaǵandar otyrǵan shaqta shylym shegýge AQSh pen Avstralııanyń birqatar shtattarynda, sondaı-aq, Kanadanyń birneshe aımaǵynda tyıym salynǵan.   «Qupııa» kezdesýdiń astarynda ne jatyr? Túrmede jazasyn ótep jatqan Ýkraınanyń eks-premeri Iýlııa Tımoshenko men Ýkraına prezıdenti ákimshiliginiń basshysy Andreı Klıýev kezdesken kórinedi. Bul jóninde «Kommersant-Ýkraına» basylymy habarlady. Biraq, atalǵan aqparat týraly Tımoshenko jetekshilik etetin «Batkıvshına» partııasy qandaı da bir túsinik bergen joq. Ýkraınalyq saıasattanýshy Vadım Karasevtiń aıtýynsha, osyndaı varıant daǵdarystan shyǵýǵa yqpalyn tıgizer edi. Bul qadamǵa oppozısııa ókilderi bara ma, osy jaǵy belgisiz. Máseleniń negizi parlamenttegi Aımaqtar partııasy men «Batkıvshına» partııasynyń kúsh biriktirýinde jatyr. Sonda ǵana eldi saıası daǵdarystan shyǵarýǵa bolady.   Atatúrik esimin qoıýǵa tyıym saldy Ázerbaıjanda balalaryna Atatúrik esimin qoıýǵa ruqsat etpeıtin boldy. Úkimet janyndaǵy termınologııalyq komıssııa basshysynyń orynbasary Saıaly Sadygovanyń aıtýynsha, mundaı tyıym salý resmı emes sıpatta ǵana. «Eger kim de kim osyndaı ótinishpen keletin bolsa, biz olardan bas tartamyz» depti ol. Onyń sózine qaraǵanda, mundaı sheshim Túrkııa úkimetiniń ótinishi boıynsha qabyldanǵan. О́tken jyldyń mamyrynda Sadygova jergilikti turǵyndarǵa óz balalaryna Túrkııanyń tuńǵysh prezıdentiniń qurmetine onyń atyn qoıýǵa tyıym salynýy múmkin ekenin málimdegen kórinedi. «Atatúrik – tarıhı tulǵa, bul esim onyń ózine ǵana tán bolýy tıis» dep aıtypty ol sonda. Al qazirgi kezde Ázerbaıjanda Atatúrik esimimen 18 adam ómir súrip júr.   Alpys tórt jylǵy úzilisten soń... Qytaı men Taıvan úkimeti 1949 jyly aıaqtalǵan azamat soǵysynan beri alǵash ret kelissózder bastady. Aqparat agenttikteriniń habarlaýynsha, oǵan eki taraptan saıası qatynastarǵa jaýapty sheneýnikter qatysqan sııaqty. Taıvan kelissózder barysynda Qytaı baspasózinde sóz erkindigine kepildik berýdi talap etýdi josparlap otyrǵan bolsa, al resmı Beıjiń erkin saýda týraly kelisimdi bekitýdi alǵa tartpaq. Kezdesý Nankın qalasynda ótýde. Sońǵy jyldary Qytaı men Taıvan arasyndaǵy qatynas aıtarlyqtaı ilgeri basqanyn atap ótken jón.   Iemen endi federatıvti memleket atanady Iemen prezıdenti janyndaǵy arnaıy komıssııa memlekettik qurylysty ózgertý jónindegi jumys nátıjesin jarııa etti. Mamandar eldi ýnıtarlyqtan federatıvti dep ataý týraly qorytyndyǵa kelip otyr. Endi Iemen ishki saıasatta aýqymdy ókilettikke ıelik etetin alty aımaqqa bóli­­­­netin bolady. Sheshim el prezıdenti Abdý Rabbo Mansýr Hadıdiń qatysýymen ótken ko­mıssııanyń otyrysynda qabyldanǵan. Osy otyrysqa, sondaı-aq, saıası partııalardyń, eldegi yqpaldy taıpalardyń da ókilderi qatysqan.   Qysqa qaıyryp aıtqanda:  Arızona shtatynyń soty Meksıka azamaty Manýel Osorıony 30 jyl túrmege otyrǵyzý jazasyna kesti. Ol amerıkalyq shekarashy Braın Terrıdi atyp óltirgen bolatyn.  Qytaı polısııasy Gýandýn provınsııasynyń ońtústigindegi Dýngýan qalasyndaǵy «bordelderde» jappaı tintý júrgizdi. Operasııaǵa 6700-den astam polıseı qatysqan. Nátıjesinde 67 adam ustalyp, 17 mekeme jabylǵan.  Iraktyń Samarra qalasynda terrorshylardyń qupııa jerasty baspanasynda jarylys bolyp, 21 sodyr qaza tapty. Oqıǵa sodyrlar nasıhattyq fılm túsirip jatqanda, kezdeısoq bolsa kerek.  О́zbekstannyń Novoı qalasyndaǵy turǵyn úılerdiń birinde gaz shyǵýy saldarynan jarylys boldy. Alty páter búlinip, oqıǵa ornynda alty adam qaza tapqan. Internet materıaldary negizinde ázirlendi.