KHDR men Ońtústik Koreıa baýyrlastyq týraly kelissóz júrgizdi

Búgin, KHDR men Ońtústik Koreıa arasynda sońǵy alty jyl ishinde alǵash ret joǵary deńgeıde kelissózder ótti. Bul týraly RIA «Novostı» habarlady. Kelissózder Phanmýnchjom shekara beketinde ótti. Ońtústik Koreıa delegasııasyn Kım Gıý Hen úkimeti janyndaǵy ulttyq qaýipsizdik keńesiniń bas hatshysy bastasa, KHDR tarapyn birlesken front basshysynyń orynbasary Von Don En bastap keldi. Seısenbi kúni Ońtústik Koreıa mınıstrliginiń baspasóz qyzmeti habarlaǵandaı, ekijaqty kezdesýde 1950-1953 jyldary oryn alǵan Koreı soǵysy kezinde bir-birinen kóz jazyp qalǵan otbasylardy kezdestirý jóninde másele qozǵalmaq. Sondaı-aq kelissózderde mundaı sharalardyń jıi ótkizilip turýy talqylanady. Budan buryn bir-birinen kóz jazyp qalǵan otbasylardy kezdestirý sharasyn 20-25 aqpanda ótkizý josparlanǵan edi. Alaıda, sońǵy sátte bul shara keıinge qaldyryldy. Bir-birinen kóz jazyp qalǵan otbasylardy kezdestirý sharasy alǵash ret 1985 jyly ótken bolatyn. Sodan bergi 15 jyl ishinde mundaı shara qolǵa alynbapty. Al Ońtústik Koreıa men KHDR arasynda joǵary deńgeıdegi kelissózder sońǵy ret 2007 jyly ótkizilgen eken. Aıdar О́risbaev. Derekkóz: Ria.ru. Foto: Itar-tass.com.