Muhammed Álıdiń bylǵary qolǵaby aýksıonǵa shyǵarylatyn boldy

«Heritage Auctions» aýksıon úıi ataqty boksshy Muhammed Álıdiń 1964 jyly Sonnı Lıstondy jeńip, tuńǵysh ret aýyr salmaqta chempıon atanǵan kezde kıgen bylǵary qolǵabyn satylymǵa shyǵarady. Bul týraly Vesti.az habarlady. Aýksıon úıiniń qoǵammen baılanys jónindegi dırektory Noı Flaısher málimdegendeı, bastapqy baǵasy 500 myń dollardy quraıtyn bylǵary qolǵapty sol kezde jekpe-jektiń aldynda arnaıy tapsyryspen tanymal sheber Semmı Freger tigip bergen eken. «Bul Álıdiń tuńǵysh ret aýyr salmaqta chempıon atanǵan kezde kıgen qolǵaby, – deıdi aýksıon úıiniń sportqa baılanysty saýda-sattyq jónindegi dırektory Krıs Aıvı. – Halyq Álıdi birtýar boksshy retinde tanıdy. Al bul qolǵap onyń sporttaǵy alǵashqy qadamynda mańyzdy ról atqardy». Eske sala keteıik, Sonnı Lıston men Muhammed Álıdiń jekpe-jegi 1964 jyldyń 25 aqpanynda AQSh-tyń Maıamı qalasynda ótti. Aıdar О́risbaev. Derekkóz: Vesti.az. Foto: Kombat.odessa.ua.