Batyr jaıly baǵaly eńbek

Tusaýkeserde oblystyq máde­nıet, arhıvter jáne qujattama bas­qarmasynyń basshysy Asqarbek Esjanov Elbasynyń «Uly Dalanyń jeti qyry» maqalasyndaǵy «Dala folklory men mýzykasynyń myń jyly» jobasy aıasynda oblys ákim­diginiń qoldaýymen júzege asqan bastama jaıly tarata aıtyp, tórt astana tý tikken óńirdiń ótkeninen derek jınaǵan ǵalymdar jumysyna sáttilik tiledi.

Fılologııa ǵylymdarynyń doktory, professor, Qorqyt ata atyn­­daǵy Qyzylorda ýnıversıteti «Qor­qyt­taný jáne ólke tarıhy» ǵy­lymı-zertteý ınstıtýtynyń dırektory Baǵdat Káribozuly je­tekshilik etken jobanyń alǵashqy kezeńi batyrlar jyryna arnalyp, ýnıversıtet ǵalymdary men stý­dentterden jasaqtalǵan ekspe­dısııa aýdandardan epostyq jyrlar, dastandar, jer-sý attaryna baılanysty málimetter men kóne qoljazbalar jınaqtaǵan. Osyndaı eńbektiń arqasynda ja­ryq­qa shyqqan «Janqoja batyr» jınaǵyna Musabaı jyraý, Luqpan Kenjeuly, Qarman Sultanuly, Jekeı Shańǵytbaıuly nusqalary toptastyryldy. Arýaqty er jaıly bul tarıhı jyrlardyń deni buryn-sońdy baspa júzin kórmegen. Jınaqqa batyrdyń bar ómirin qam­tıtyn jyrlardan bólek el aýzynan jazyp alynǵan ańyz-áńgimeler de engizilip otyr.

Kitaphanada ótken jıynda fol­k­­lordyń jazba ádebıetpen qa­tar damyp kele jatqanyna toq­tal­­ǵan joba jetekshisi Baǵdat Kári­boz­uly ekinshi tomǵa ańyz-áńgime­ler, al úshinshi tomǵa Syr súleıleri jyr­laǵan, sırek oryndalatyn qıssa-dastandar toptastyrylatynyn aıtyp ótti.