Aıyrbastaý pýnktterinde alypsatarlyq operasııalarǵa jol bermeý týraly

Ýákiletti bankterdiń jáne ýákiletti uıymdardyń aıyrbastaý pýnktteri júrgizetin qolma-qol shetel valıýtasymen operasııa­lar boıynsha alypsatarlyqqa jol bermeý maqsatynda Ulttyq bank basqarmasy «Aıyrbastaý pýnktteri arqyly júrgiziletin operasııalar boıynsha AQSh dollaryn jáne eýrony teńgege satyp alý baǵamynyń satý baǵamynan aýytqý shekterin belgileý týraly» 2014 jylǵy 11 aqpanda №18 qaýly qabyldady. Osy qaýlyǵa sáıkes ýákiletti banktiń nemese ýákiletti uıymnyń laýazymdy tulǵasynyń jazbasha ókiminiń negizinde aıyrbastaý pýnkti úshin belgilengen ulttyq valıýtadaǵy shetel valıýtasynyń birligin satyp alý baǵamy men ulttyq valıýtadaǵy shetel valıýtasynyń birligin satý baǵamy arasyndaǵy aıyrma AQSh dollary úshin – 2 teńgeden; eýro úshin – 3 teńgeden aspaýy tıis. Aıyrbastaý pýnktteri arqyly júrgiziletin operasııalar boıynsha teńgege shetel valıýtasyn satyp alý baǵamynyń satý baǵamynan aýytqýynyń belgilengen shekteri 2014 jylǵy 11 aqpannan bastap qosa alǵanda 2014 jylǵy 31 jeltoqsan aralyǵynda qoldanylady. Ulttyq bank basqarmasynyń 2006 jylǵy 27 qazandaǵy № 106 qaýlysymen bekitilgen Qazaqstan Respýblıkasynda qolma-qol shetel valıýtasymen aıyrbastaý operasııalaryn uıymdastyrý erejesiniń 48-tarmaǵyna sáıkes aıyrbastaý pýnktinde aıyrbastaý operasııasyn júrgizý úshin qajetti somada qolma-qol ulttyq valıýta jáne qolma-qol shetel valıýtasy bolǵan kezde azamattarǵa aıyrbastaý operasııasyn júrgizýden bas tartýǵa jol berilmeıdi. Ulttyq bank aıyrbastaý pýnktteri arqyly júrgiziletin operasııalar boıynsha teńgege shetel valıýtasyn satyp alý baǵamynyń satý baǵamynan aýytqýynyń belgilengen shekteriniń buzylýyn anyqtaǵan jaǵdaıda ýákiletti bankterge jáne ýákiletti uıymdarǵa Qazaqstan Respýblıkasynyń zańnamalyq aktilerinde kózdelgen sanksııalardy qoldanady. Qazaqstan Respýblıkasy Ulttyq bankiniń fılıaldaryna óńirlerdegi ahýaldyń monıtorıngi boıynsha tıisti nusqaýlar berildi. Qazaqstan Respýblıkasy Ulttyq bankiniń Uıymdastyrý jumysy, syrtqy jáne qoǵamdyq baılanystar departamenti.