Bári – el ıgiligi úshin

О́tken seısenbide Qazaqstan Res­pýblıkasy Ulttyq banki teń­geniń baǵamyn ózgertý týraly she­shimdi bes túrli faktorǵa baıla­nysty qabyldaǵanyn málimdedi. Eń aldymen, kóptegen damýshy elderde, ásirese, BRIKS elderinde (Brazılııa, Reseı, Ún­distan, Qytaı, Ońtústik Af­rıka Respýblıkasy) oryn al­ǵan jaǵdaı 1 AQSh dollaryna shaq­qandaǵy ulttyq valıý­tanyń álsi­re­genin baı­qatýda. Ekinshiden, Reseı rýbline qa­tysty aıyrbas baǵamy salystyrmaly túrde anyq emes. Úshinshiden, tólem balansynyń jaı-kúıi eskerildi. Aǵymdaǵy ope­rasııa shoty oń mánge ıe ári ımporttyń ósý tendensııasy saq­tal­ǵanymen de, ol ózindik keri yq­pa­lyn tıgizýde. Qazirgi kezde ót­ken qarjy jylymen salystyr­ǵanda tólem balansynyń shoty 4 ese qysqarǵan, ıaǵnı ulttyq valıý­ta­myzdyń syrtqy básekege qabi­lettiligi álsiregen. Tórtinshiden, ekonomıka­da ártúrli jaǵdaıdyń oryn alýy baıqaldy. Nátıjesinde valıýtalyq alyp-satý artyp, Ult­tyq bank valıýta naryǵyndaǵy ope­rasııalarǵa aralasýǵa májbúr boldy. Besinshiden, orta merzimdi pers­pektıvada ınflıasııa deńgeıin 3-4% aralyǵyna ákelý kózdelip otyr. Osyǵan baılanys­ty júr­gizilgen jan-jaqty taldaý­lar­­dyń nátıjesinde ulttyq valıý­ta­myzdyń AQSh dollaryna shaq­qandaǵy aıyrbas baǵamyn 185 teńge mólsherinde belgileý qajet­tigi naqtylandy. Bul ózgeristiń barlyǵy jahan­dyq makroekonomıkalyq fak­torlardy eskere otyryp, otan­dyq óndirýshilerdiń syrtqy na­ryqtaǵy básekege qabilettiligin arttyrý, ulttyq valıýtamyzdyń básekege qabilettiligin jaqsartý sheńberinde júrgizilip otyr. Baǵam ózgerisiniń tutyný ba­ǵasy ındeksiniń ósýine áser etpeı qoımaıtyny aıqyn, biraq bul tolyqqandy ınflıasııa emes ári qysqa merzimdi keleńsiz pikirlerdiń týyndaýyna áser etip otyr. Sabyr túbi – sary altyn degendeı, jalpy alǵanda, valıýta saıasatyna qatysty júrgizilip otyrǵan bul sharalar el ekonomıkasynyń ıgiligi úshin jasalýda. A.MUSTAFINA, ekonomıka ǵylymdarynyń kandıdaty. ALMATY.