Bıýdjetke salyq bolyp oralady

Kóptegen elder ulttyq valıýta baǵamyn ózgertýge kásipkerliktiń oń damýy jáne ǵalamdyq kóbikten kásipkerlikti qorǵaý úshin baratynyn baıqaımyz. Al Qazaqstan ekonomıkasynyń negizgi bóligin shıkizat quraıdy. Biz ulttyq valıýtamyzdy uzaq ýaqyt boıy turaqty ustap keldik. Atalǵan jaǵdaıdyń shıkizattyq kásiporyndar úshin tıimdiligi az. Biz ózimiz óndiretin metall baǵamynyń kúnnen-kúnge qulap bara jatqanyn aıqyn túsinýimiz tıis. «Qazsınk» tabysynyń 60 paıyzyn altyn quraıdy. Bir jyl buryn altyn 1600 dollar tursa, búginde 1075 dollarǵa baǵalanyp otyr. Osyǵan oraı shyǵyndar eselep ósti. Shyǵynnyń kóbi Qazaqstannyń ishki jaǵdaıynda oryn aldy. Alaıda, teńge baǵamyna ózgeris engizgen soń ishki shyǵyndar qoljetimdi boldy. О́ıtkeni, bizdiń túsim dollarmen esepteledi. Aıyrbastaý kýrsy neǵurlym joǵary bolsa, soǵurlym joǵary tabys tabamyz. Bul rette memleket bıýdjetine kásiporyn esebinen joǵary salyq túsimi túsedi. Árıne, teńge baǵamynyń ózgerisinen qorqýdyń qajeti joq. Meniń oıymsha, besjyldyq kórsetkishter kórsetkendeı, aqsha baǵamynyń ózgerýinen álemde úreı týǵyzarlyqtaı eshteńe bolǵan joq. Muny ekonomıkany saýyqtyrýǵa arnalǵan ekpe deýge bolady. Ekonomıkamyz turaqty damý ústinde, al sońǵy jaǵdaı ekonomıkaǵa jańa tynys, sony lep berdi. Úkimet pen Ulttyq bank negizgi azyq-túlik túrlerine baǵanyń ósimi bolmaıtynyna ýáde berip otyr. Mundaı sátte tolqýdyń sebebi joq dep oılaımyn. Andreı LAZAREV, «QazSınk» JShS vıse-prezıdenti.