Respýblıkamyzdyń jekelegen aýmaǵynda qatty aıaz bolady

Búgin, sınoptıkterdiń málimdeýinshe, elimizdiń ońtústigi men ońtústik shyǵysynda qatty aıaz bolady. Bul týraly Meta.kz habarlady. Osy kúni túnde Almaty, Jambyl men Ońtústik Qazaqstan oblystarynyń keı jerlerinde qatty aıaz jáne tuman bolýy yqtımal. Boljam boıynsha, atmosferalyq aǵyndarǵa baılanysty elimizdiń soltústik bóliginde qar jaýady. Atyraý, Qostanaı men Soltústik Qazaqstan oblystarynyń da keı jerlerinde tuman bolýy múmkin. Almaty oblysynyń ońtústik shyǵysynan soǵatyn jeldiń ekpini sekýndyna 15-20 metrge deıin jetedi. Gazeta.kz habarlaǵandaı, Aqtóbe oblysyndaǵy Tasótkel aýylynyń turǵyndary úsh aptadan beri qardyń qalyń túskendiginen, aýdan ortalyǵyna shyǵa almaı otyr. Qatynas bolmaǵasyn, dúken sórelerindegi azyq-túlik te taýsylǵan eken. Aýa raıyn boljaıtyn mamandar bul óńirge qardyń jaýatynyn aldyn ala aıtqanymen, jol qatynasy áli kúnge deıin retke keltirilmegen. Ámirhan Almaǵanbetov. Derekkóz: Meta.kz, Gazeta.kz. Foto:  lentaru.net.