Qalalyq Tótenshe jaǵdaılar departamenti taratqan aqparatyna qaraǵanda, 14 qazan kúni saǵat 16:00-de TJD 101 pýltine Almaly aýdanyndaǵy Turǵyt Ozal 57 mekenjaıy boıynsha turǵyndardan órt týraly habarlama tústi.
«О́SB-14 órt sóndirý bólimshesi esepteri birinshi bolyp kelgen sátte, barlaý jumystary barysynda turǵyn úıdiń besinshi qabatta ornalasqan qoıý tútin, ashyq jalynmen vıtrajdy balkon janyp jatqanyn anyqtady, órt janynda ornalasqan jıhazǵa taralyp úlgergen. Baspaldaq alańynda joǵary temperatýra, ýly tútin paıda bolyp, páterlerden adamdar shyǵa almaı qaldy», dep habarlady vedomstvadan.
Qaraýyl bastyǵy azamattyq qorǵaý aǵa leıtenanty Rýstam Ýladıev qutqarý jumystaryn júrgizý jáne órt sóndirý kezinde gaz-tútinnen qorǵaý qyzmetiniń janyp jatqan qabattaǵy páterlerden adamdardy evakýasııalaý týraly sheshim qabyldady.
«Qalyptasqan jaǵdaıǵa baılanysty О́SB-1 (órt sóndirý basshysy) jeke quramǵa jabylyp turǵan esikti ashý jáne adamdardy shyǵaryp alyp týraly komanda berildi. Aǵa órt sóndirýshi Ádilmurat Sabyrjan men Áben Talant páterge qamalyp qalǵan E. Janbotaeva men onyń tórt jasar ulyn qutqardy. Baqytymyzǵa oraı, qutqarylǵandarǵa medısınalyq kómek qajet bolmady», dep tolyqtyrdy departamentten.
О́rt 7 mınýt ishinde aýyzdyqtalyp, 16:38-de tolyq sóndirildi. Oqıǵa ornyna eki órt sóndirý bólimshesi, 5 avtotehnıka, jeke quramnyń 17 adamy jumyldyryldy.
