Azyq-túlik qory jetkilikti

Elimizde azyq-túlik qory jetkilikti, sondyqtan da teńge baǵamynyń ózgerýine baılanysty eshqandaı da baǵa kóterilýi múmkin emes. Shyndyǵyn aıtsam, onyń birde bir alǵyshartyn baıqamaı otyrmyn. Burnaǵy kúni bolǵan teńge baǵamyna jasalǵan túzetý álemdik jaǵdaılarǵa baılanysty bolyp otyrǵany barshamyzǵa jaqsy belgili. О́z basym budan dúrbeleń bolar eshbir sebepti tappaı otyrmyn. Meniń uǵymymda valıýta baǵamyn túzetý elimizdiń álemdik naryqtaǵy básekelestikke tótep berý úshin jasalady. Mundaı kúrdeli áreket memlekettiń qýatyn arttyra túsý maqsatynda isteledi. Demek biz, ıgi joldy bura tartpaı, Úkimettiń bul sharasyn qoldaýymyz kerek. Munymen birge, Qazaqstan halqyn bizde azyq-túlik qory jetkilikti ekenin, sondyqtan da eshqandaı baǵa kóterilýi múmkin emes ekenin aıtyp sendirgim keledi. Sebebi, biz azyq-túlik ónimderiniń basym kópshiligin ózimizde óndiremiz. Sondaı-aq, teńge baǵamynyń ózgerýi jeke óndiristi básekelestik ortada damytýǵa yqpal etetinin basa aıtqan jón. Bul shara óz kezeginde eldiń agroónerkásip salasyna oń áserin beretin bolady. Bizdi ne kútip tur degen máselege toqtalatyn bolsam, Qazaqstan jolynda eshqandaı belgisizdik joq. Shúkir, bári aıqyn, bári anyq kórinip tur. Eń aldymen teńge baǵamynyń osy ózgerisiniń nátıjesinde bıýdjet júıesine mol qarjy resýrstary quıylady. Sonyń arqasynda bizdiń taýar óndirýshilerimiz qoldaýǵa ıe bolady. Ekonomıkalyq turǵyda alyp qaraǵanda bizder birinshi kezekte óndirisimizdi qamtamasyz etemiz. Al bul jańa jumys oryndarynyń ashylýyna septigin tıgizedi. Aqsha qarajatynyń quıylýy jańa baǵdarlamalarǵa jol ashady. Sondyqtan elimizdiń árbir azamatyn eldik sharaǵa túsinistikpen qaraýǵa shaqyramyn. Ázimhan SATYBALDIN,  «QazAgroInnovasııa» AQ basqarma  tóraǵasynyń orynbasary.