Úısizdik – kúısizdiktiń basy. Tapqan aqshańa páter jaldap, qojaıynnyń qas-qabaǵyna jaltańdaý tozaqtyń tozaǵy. «Kisideginiń kilti aspanda» degendeı, shyjynaǵan shilde men azynaǵan aqpanda dalada qalyp, taǵdyryńnyń tas-talqan bolýy da onyń bir aýyz sózimen sheshiledi. Iаǵnı adam adamǵa kiriptar...
Úısizdikten talaı adamnyń, talaı otbasynyń zardap shekkeni belgili, áli basyn suǵar turaqty pana taba almaı, qınalyp júrgender qanshama?! Qurylystar toqtap-toqyraǵan jyldardyń zardaby osylaı bolǵan edi, qazir túıtkildiń túıini tarqatyla bastaǵany anyq. Basqa óńirlerdi aıtpaǵanda, bir ǵana Aqtaý qalasynyń ózinde orny belgilengeni bar, sharbaqpen qorshalǵany bar, qazyǵy qaǵylǵany bar, irgetasy qalanǵany bar, qabyrǵasy kóterilgeni bar, shatyry jabylǵany bar qaýlaǵan qurylys... Mektep, balabaqsha, dúken-dúńgirshek, túrli qyzmet kórsetý oryndarynan bólek kóńil qýantatyny – turǵyn úılerdiń kóptep salynýy. Bul, árıne, «halyqtyń ál-aýqatynyń artýy – memleket damýynyń negizi» dep sanap, halyqtyń turmys-tirshiligin jaqsartýdy birte-birte sheshýdi jolǵa qoıǵan memlekettik múddeniń shapaǵaty. Talaı otbasynyń úıli bolýyna «Qoljetimdi turǵyn úı-2020» memlekettik baǵdarlamasy sebepker bolǵandyǵyn eshkim joqqa shyǵara almas. Baǵdarlamada mejelengen mindetter men júktelgen tapsyrmalardy júzege asyrý arqyly Aqtaý qalasynda qordalanǵan turǵyn úı máselesin biraz serpiltip tastaýdy oılaǵan jergilikti basshylyq iske myqtap kiriskendeı. Qurylys jumystary qyzý júrip jatqandyǵynyń dáleli sol, Aqtaýdyń kólemi jyldamyqpen ulǵaıyp keledi. Tipti, tutastaı shaǵyn aýdandar qatarǵa qosylyp jatyr deýge bolady. Jerdi túgendep, ıgilikti iske jumsaý barysynda memleketke qaıtarylǵan jer telimderi turǵyn úıler salý úshin paıdalanylýda. Mańǵystaý oblysynda 2013 jyly 532 myń sharshy metr turǵyn úı paıdalanýǵa berilse, bıylǵy jyl da ekpinmen bastaldy.
О́tken aptada oblys ortalyǵyndaǵy jańa shaǵyn aýdannan «Qoljetimdi turǵyn úı-2020» baǵdarlamasy boıynsha jas otbasylarǵa arnalǵan 100 páterli turǵyn úıdiń kiltteri óz ıelerine tabystaldy. Úı mańynan balalarǵa arnalǵan shaǵyn ortalyq óz tusaýyn kesetin bolady.
Oblys basshysy A.Aıdarbaev, Aqtaý qalasynyń ákimi E.Jańbyrshın bastaǵan saltanatty sátte aldaǵy ýaqytta salynatyn úıler týraly da aıtyldy. Jýyq arada bul úılermen kórshiles taǵy da 40 páterli 5 turǵyn úı paıdalanýǵa beriledi degen jańalyq kópshilikti jadyratty. Osy oraıda 40 páterli turǵyn úıdiń irgetasy qalanyp, onymen qatar taǵy da 60 páterli turǵyn úıdiń qurylysy júrmek. Sondaı-aq, 120 páterli 5 úıdiń, 100 páterli 3 úıdiń jobalyq-smetalyq qujattary jasaqtalý ústinde eken. Jalpy, jaqyn bolashaqta 32a dep atalatyn jańa shaǵyn aýdannyń ózinde 3000-nan astam páter salý josparlanǵan.
Baspanamen qamtýǵa bólingen kóńil men baspana salýdaǵy qarqyn Aqtaý qalasynda úı úshin kezekte turǵan 5 myńnan astam otbasynyń armanyn oryndaýdy alysqa aparmaı, taıaý jyldary sheship berýi múmkin degen jaqsy boljamdy alǵa tartady.
Gúlaıym ShYNTEMIRQYZY, «Egemen Qazaqstan».Mańǵystaý oblysy.
––––––––––––––––––––––
Sýretterdi túsirgen Serik MAIEMEROV.
