Energııa kózderin jańǵyrtýǵa bilim ordasy da kiristi

A.Baıtursynov atyndaǵy Qostanaı memlekettik ýnıver­sı­tetiniń  ǵalymdary men ma­gıs­tranttary jaqynda jurt­shy­lyqqa jel generatorynan,  fotoelektrli kún batereıasynan jáne  kún  kollektorynan turatyn  balamaly qýat kózderi keshenin  kórsetti. Qosta­naı óńirindegi  joǵary oqý oryndarynyń arasynda  bul keshen biregeıligimen erekshelenip otyr. О́ıtkeni,  jelden,  kún sáýlesinen elektr energııasyn  óndiretin  bul keshen stýdentter men magıstranttarǵa  sabaq  úshin  qurylǵan maket emes, ol  qazirdiń ózinde elektr energııasyn  óndirip tur. Qazir qaldyqtardan shar­shaǵan, Jer-Ananyń qoınyndaǵy  bar qutty taýysýǵa aınalǵan álem «jasyl ekonomıkaǵa»  bet bura bastady. Onyń negizi energııany balamaly qýat  kózderinen óndirý bolyp tabylady. Qostanaı memlekettik ýnıversıtetiniń ǵalymdarymen,  oqytýshylary  osy baǵytta jumys isteýge belsenip otyr.  Ǵylymı zerthanada balamaly qýat kózderi úshin qajetti jabdyqtar alynǵan.  Jel,  kún  qondyrǵylarynan óndirilgen elektr energııasymen  ýnıversıtettiń № 3  korpýsyn qamtamasyz etedi. Oqý korpýsynyń shatyryna ornalastyrylǵan  kún kollektoryna jalǵanǵan eki qubyr ǵımarattyń ishine jiberilip,  ol korpýstaǵy býfetke jetkizilgen. Osy qubyrdyń  arqasynda  ondaǵy sý jylyp  tur. Ashanadaǵy  ydys jýýǵa paıdalanatyn  sý tegin jylytylýda. Al  oqý korpýsynyń artyna  ornatylǵan jel generatory óndirgen 5 kvt  elektr energııasy bilim ordasy ǵımaratynyń aldyndaǵy gúlzardy  túnde jaryqpen qamtamasyz  etedi. TEMPUS halyqaralyq jobasy sheńberinde jasalǵan bul keshen Elektr energetıkasy jáne  fızıka kafedrasynyń oqytýshylary men magıstranttarynyń zertteý eńbegi. Kafedra  meńgerýshisi Igor Koshkınniń aıtýynsha, 13 magıstrant jańǵyrtylǵan  qýat kózderin paıdalaný arqyly damý jáne ekologııalyq  ınjınırıng taqyrybyn  odan  ári  zertteýde. Olardyń  úzdikteri óz jobalaryn  Astanada ótetin bolashaqtyń energııasyna arnalǵan EKSPO-2017 álemdik  kórmesine  qoıýdy da armandaıdy. Názıra JÁRIMBETOVA, «Egemen Qazaqstan». QOSTANAI.