Eksporttyq áleýetimizdi arttyrady

Ulttyq banktiń 2014 jylǵy 11 aqpandaǵy Qazaqstan valıýtasynyń baǵamyn ózgertý týraly sheshimi der kezinde qabyldanǵan ekonomıkalyq yqpaldy shara dep esepteımin. Ekonomıkamyzdyń tıimdi jumys isteýi úshin otandyq taýar óndirýshilerdiń jaǵdaıyna basymdyq berý basty mindet bolyp tabylmaq. Negizinen eksporttyq baǵytta jumys isteıtin bizdiń «Qazatomprom» kompanııasy úshin bul tipten tıimdi bolyp otyr. О́ıtkeni, teńgeniń  qoldan jasalǵan turaqtylyǵy bizdiń taýarlarymyzdyń álemdik rynoktaǵy básekelestiginiń tómendeýine ákep soqty.  Teńge baǵamynyń dollarǵa qaraǵanda birden 20 paıyzǵa tómendetilýi bizdiń eksportqa shyǵaratyn shıkizatymyzdan túsetin paıdany  arttyratyn bolady. Sonymen birge, teńge baǵamynyń tómendeýi 2011 jyly naýryz aıynda bolǵan «Fýkýsıma» atom elektr stansasyndaǵy apattan keıin qalyptasqan tabıǵı ýran shıkizaty baǵasynyń tómendeýinen kelip otyrǵan keri  áserdiń  azaıýyna da yqpal etetin bolady. Qazirgi tańda kompanııa basshylyǵynyń basty mindeti taýardyń ózindik qunyna áser etetin shıkizat, qyzmet jáne de basqa materıaldardyń negizsiz qymbattap ketýine jol bermeý bolyp tabylady. Bizdiń kásiporynǵa qatysty alys-beris kelisimsharttary jyl basynda jasalyp qoıdy. Sondyqtan taýar óndirýge qajetti shıkizat jáne basqa da materıaldardyń  baǵasynda aıtarlyqtaı aýytqýshylyqtar bolmaıdy. Álemde qalyptasqan ahýalǵa baılanysty  teńge baǵamyn ózgertý elimizdiń eksporttyq áleýetin arttyryp, otandyq taýar óndirýshilerdiń jaǵdaıyn jaqsartatyn bolady. Endi elimizdiń kásipkerleri ózderi óndiretin taýarlardyń ózindik qunyn tómendetip, barynsha mol tabys tabýǵa bet burýy qajet. Áleýmettik jaýapkershilikke basymdyq beretin kompanııa retinde bizdiń aksıonerlik qoǵam aldaǵy ýaqytta eńbekkerleriniń materıaldyq jaǵdaıyn jaqsartý jolynda naqty sharalardy júzege asyratyn bolady. Aıdar ARIFHANOV, «Qazatomprom» AQ basqarmasy tóraǵasynyń orynbasary.