Otandyq taýar óndirýshilerge tıimdi

Elimizdegi valıýta baǵamyna qatysty ózgerister eshkimdi beı-jaı qaldyrmaıtyny belgili. Alǵashqy eki-úsh kúnde árqıly pikir boı kórsetip jatsa, oǵan da tańǵalýdyń qajeti joq. О́ıtkeni, adamdar qoǵam tynysynan shet qala almaıdy. Biz álemdik úrdispen qatar qadam basatyn eldiń azamattarymyz. Sondyqtan, mundaı úrdis buryn da bolǵanyn, odan súrinbeı ótkenimizdi este ustaý kerek. Árıne, dál qazirgi tusta bári bıliktiń ıkemdiligi men ilkimdi qyzmetine baılanys­ty ekendigin aıtqym keledi. Bılik bárimizge tıimdi, batyl qadamdar jasap jatyr. Elimizdegi aýyl sharýashylyǵy ónimderi men otandyq taýarlar baǵasy qymbattamaıdy. Qazaqstan fermerleri odaǵynyń májilisinde, ózim basqaratyn Qazaqstannyń et-sút odaǵynyń jınalysynda osy máseleler naqty dáleldermen sıpattaldy. Úkimet qurǵan jumys toptary belsendilik tanytýda. Ony BAQ materıaldarynan, teledıdar habarlarynan kórip otyrmyz. Importtalatyn taýar­ quny óskenimen, otandyq ónim baǵasy qymbattamaıdy. Kerisinshe, olardyń básekege qabilettiligi artady. Máselen, elimizde tutynylatyn qurǵaq sút ónimderi negizinen Belarýs elinen jetkiziletin. Olardyń baǵasy jergilikti tabıǵı sútten tómen bolǵandyqtan, tasymaldanatyn ónimge suranys joǵary edi. Endi baǵa teńesetindikten, halyq tabıǵı ónimge basymdyq beredi dep esepteımin. Jalpy, dollar baǵamynyń kóterilýi ishki naryq úshin tıimdi. Sondyqtan, eldegi ınflıasııa bizdiń baǵa saıasatymyzǵa áser etpeıdi. Demek, jergilikti taýar­ óndirýshiler úshin eshqandaı alańdaýshylyq bolmaýǵa tıisti. Qaıta olar eksportqa baǵyttalǵan óndiristi damytýǵa qulshynys tanytatyny anyq. Onyń ústine, elimiz astyq eksporty boıynsha álemde birinshi oryn alatyndyqtan, baǵam ózgerisi biz úshin qolaıly dep esepteımin. О́zimizdiń sharýashylyqqa kelsek, óndiristi ártaraptandyrýǵa eselengen ekpin túsiretin bolamyz. Onyń tıimdiligi mynadan kórinedi. Sońǵy úsh jyl qatarynan jyl saıyn 2,5 mıllıard teńgeniń ónimi óndirilip, ár jumysshyǵa shaqqanda eńbek ónimdiligi 35 myń dollardan aınaldy. Jalpy, ónimniń 35 paıyzy mal sharýashylyǵynyń úlesinde bolǵandyqtan, shıkizat qory men ózindik qun esebinen ónimdi arzandatý tetikterin ustap turmyz. Ol ishki jáne syrtqy rynokqa birdeı qatysty bolmaq. Burynǵysynsha, ortalyqtan jylytylatyn úılerde turatyn rodınalyqtar sý men jylý qunynyń 40 paıyzyn, azyq-túlik ónimderiniń 20 paıyzyn ǵana tólep, nandy 25 teńgeden satyp alady. Mundaı jeńildik aýyldaǵy 230 zeınetker men 117 bıýdjettik sala qyzmetkerlerine birdeı jaǵdaıda qarastyrylǵan. Ivan SAÝER, Qazaqstannyń Eńbek Eri, «Rodına» agrofırmasy» JShS bas dırektory. Aqmola oblysy, Selınograd aýdany.