Syrtqy saıasat máseleleri qaraldy

Syrtqy saıasat vedomstvosynyń basshysy Erlan Ydyrysovtyń tóraǵalyǵymen Syrtqy ister mınıstrliginiń alqa otyrysy bolyp ótti. Jıynǵa atalǵan mınıstrlik basshylyǵy, Qazaqstan Pre­zı­dentiniń kómekshisi Erjan Qazy­hanov, Parlament Májilisiniń Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev, Parlament Senatynyń Halyqaralyq ister, qorǵanys jáne qaýipsizdik ko­mıtetiniń múshesi Bir­ǵanym Áıtimova, Prezıdent Ákimshiliginiń,  Premer-Mınıstr Keńsesiniń jáne basqa da birqatar memlekettik organdardyń ókil­deri qatysty. Syrtqy saıasat vedomstvo­sy basshylyǵynyń alqa oty­ry­syn­daǵy kún tártibiniń negizgi bóligi el Prezıdentiniń «Qazaqstan jo­ly – 2050: bir maqsat, bir múdde, bir bolashaq» atty Qazaqstan hal­qyna Joldaýyn iske asyrý sharalaryn talqylaýǵa arnaldy. Syrtqy ister mınıstri óz só­zinde atap ótkendeı, bul Jol­daýdyń mańyzdylyǵy Mem­leket basshysynyń el halqyn ósip-órkendegen, jemisti Qazaq elin qurýǵa birigip atsalysýǵa shaqyrýy men «Strategııa-2050» maqsattaryna qol jetkizý úshin damyǵan demokratııalyq qoǵamda ómir súrgisi keletin ár azamattyń jeke qatysýy men belsendi usta­nymynyń qajettiliginde jatyr. Memleket basshysynyń alǵa qoıǵan tapsyrmalaryna qol jetkizý úshin qolaıly syrtqy jaǵdaı qalyptastyrý syrtqy saıasat vedomstvosynyń eń mańyzdy basymdyǵy bolyp tabylady. Osy oraıda, E.Ydyrysov jaqynda Prezıdent tarapynan bekitilgen jáne «2050» Strategııasynyń ne­gizgi qaǵıdalary aıasynda qurylǵan Qazaqstannyń 2020 jylǵa deıingi kezeńge arnalǵan jańa Syrtqy saıasat tujyrymdamasynyń erekshe mańyzdylyǵyn atap ótti. Mınıstr Syrtqy saıasat tu­jyrym­damasynda dástúrli usta­nymdarmen qatar, basqa da jańa syrtqy saıası qyzmettiń basym baǵyttary aıqyndaldy, dep atap ótti. «Eger osyǵan deıin memleket múddesin qorǵaýǵa aıtarlyqtaı basymdyq berilse, búginde qoǵamnyń qajettilikterin, sonyń ishinde, jalpy azamattardyń jáne jeke árbir qazaqstandyqtyń qajettilikterin qamtamasyz etýge qaraı bet burylýda», dep ol. Elimizdiń syrtqy saıası baǵytyna toqtala kele, Syrtqy ister mınıstri Qazaqstan saıasaty aldaǵy ýaqytta da teńdestirilgen, birizdi jáne pragmatıkalyq qaǵıdalarǵa negizdeletinin atap ótti. «Biz Qazaqstannyń jahandyq jáne aımaqtyq máselelerdi sheshýge qatysýyn, syrtqy saıasattyń strategııalyq resýrsy retinde kóp deńgeıli dıplomatııany damytýyn elimizdiń qaýipsizdigi men aýmaqtyq tutastyǵyn qamtamasyz etýdiń negizgi faktory dep bilemiz», dedi E.Ydyrysov. Sonymen qatar, alqa otyrysy barysynda 2017-2018 jyldary BUU Qaýipsizdik Keńe­siniń turaqty emes músheligine Qa­zaqstan kandıdatýrasyn usy­ný josparyn júzege asyrý máse­leleri qarastyryldy. BUU Qaýipsizdik Keńesine saılanýy aımaqtyń ózekti máselelerine halyqaralyq qoǵamdastyq nazaryn aýdarýǵa jáne olardy sheshýge, sonymen qosa, halyq­aralyq kún tártibindegi kúrdeli máselelerdi retteýge óz úlesimizdi qo­sýǵa múmkindik beretini aıtyldy. Sondaı-aq, alqa jıynyna qaty­sýshylar EKSPO-2017 halyq­­aralyq kórmesine daıyn­dyq jaıy, eýrazııalyq jáne orta­lyq­azııalyq ıntegrasııa máseleleri, Aýǵanstandaǵy jáne Sırııadaǵy jaǵdaıdy turaqtandyrý, Ýkraı­nadaǵy saıası daǵdarysty retteý men halyqaralyq kún tártibindegi basqa da máselelerdi talqyǵa saldy. Sáýlebek BIRJAN.