Sot úkimimen sottalýshylardyń árqaısy 18 jylǵa bas bostandyǵynan aıyryldy. Sondaı-aq, olarǵa alkogolızmnen májbúrlep emdeý túrindegi jaza taǵaıyndaldy.
Sot jábirlenýshilerdiń sottalǵandar R. jáne G-ǵa materıaldyq zalaldy jáne moraldyq zııandy óteý týraly azamattyq talap-aryzyn qanaǵattandyryp, zardap shekken taraptyń paıdasyna sottalǵandardan ortaq tártippen 10 000 000 teńge óndirip aldy.
«Aqmola oblysy Býrabaı aýdanynyń turǵyndary, jumys istemeıtin 22 jastaǵy R. men kolledjdiń 21 jastaǵy stýdenti G. bıylǵy mamyr aıynda mas kúıinde taksı júrgizýshisine shabýyl jasap, odan aqsha urlaý maqsatynda onyń uıaly telefonyn, avtokóligin ıemdenip, óz qylmysyn jasyrý maqsatynda taksı júrgizýshisin óltirgen. Júrgizýshini aıaq kıimniń baýymen tunshyqtyryp, moıny men keýdesin synǵan shyny bótelkeniń ótkir jıekterimen soqqan. Budan keıin kúdiktiler kólikti bos jerge tastap, qylmys ornynan qashyp ketken», dep túsindirdi vedomstvodan.
