Omyrtqa men julyn jaraqaty

Taraz qalasynda oǵan alǵash ret ota jasaldy Taraz qalasynyń № 1 qala­lyq aýrýhanasynyń neırohırýrgııa bólimshesinde Astana qa­la­synyń respýblıkalyq neı­ro­hırýrgııa ortalyǵynyń ǵy­ly­­mı qyzmetkeri, medısı­na ǵy­lymdarynyń kandıdaty Vık­tor Oleınıkovtyń basshy­ly­ǵy­men «sheberlik synyby» ótti. Ol mun­da omyrtqa synyǵy jáne ju­lynnyń aýyr jaraqattaryna ota jasady. Jambyl oblysynda al­ǵash ret jasalyp otyrǵan bul kúr­de­­li ota úshin joǵary tehno­lo­gııa­­­­lyq metall konstrýksııa men arnaıy qurylǵylar qol­­danyl­­­dy. Neırohırýrgııa bólim­she­­­siniń meńgerýshisi Bahytjan Dos­­janovtyń aıtýynsha, búginde omyrt­qa jaraqaty álemdik medı­sı­­nanyń kókeıkesti máseleleriniń bi­ri­­ne aınalǵan. Jyl saıyn №1 qa­­lalyq aýrýhananyń neırohı­rýr­gııa bólimshesine 40-50 adam omyrt­qanyń túrli zaqymdanýy sal­darynan kelip túsedi. Olar uzaq ýa­qyt tósek tartyp jatady jáne ártúrli toptaǵy múgedek bolyp qalady. Omyrtqaǵa jasalatyn otalar kúrdeli jáne onyń baǵasy da qymbat. Buryn mundaı otalardy jasaý úshin oblysta qajetti qural-jabdyqtar bolmaǵandyqtan, naýqastar Almaty men Astana qalalaryndaǵy neırohırýrgııalyq ortalyqtarǵa jiberiletin. Endi mundaı otalar oblystyń ózinde jasalatyn boldy. Eń bastysy, otalyq aralasýlar bel omyrtqasynan jaraqat al­ǵandardyń erterek saýyǵyp ketýine, sóıtip, eńbek etý qabi­le­ti­niń qaıta qalpyna kelýine já­ne olardyń múgedektik bolyp qalmaýyna múmkindik beredi. Kósemáli SÁTTIBAIULY, «Egemen Qazaqstan».  Jambyl oblysy.