Sharaına
Ońtústik Sýdan kóterilisshileri keshe Malakal qalasyna shabýyl jasady. Atalǵan qala munaı óndiretin óńirdiń astanasy sanalady. Buǵan deıin de Malakal kóterilisshiler men úkimet áskerleriniń qaqtyǵys alańyna aınalǵan edi.
О́tken jyldyń jeltoqsan aıynda qalany jergilikti bılikke qarsylar basyp alyp, ony bir aı shamasynda óz baqylaýlarynda ustaǵan bolatyn. Al osy jolǵy shabýyl ústimizdegi jyldyń 23 qańtarynda ekijaqty kelisim jasalǵannan keıingi alǵashqysy bolyp otyr. Túıip aıtqanda, janjaldasýshy jaqtar ózara kelisimdi buzyp, bir-birine qarý kezenýdi jalǵastyrýda. Ońtústik Sýdandaǵy qarýly qaqtyǵys is basyndaǵy prezıdent Salva Kıır burynǵy vıse-prezıdent Rıek Machardy memlekettik tóńkeriske daıyndyq jasady dep aıyptaǵannan keıin bastalǵan bolatyn.
О́zine ózi nege ot qoıdy eken?
Irannyń munaı mınıstrliginde er adam ózine-ózi ot qoıdy. Ol osy mekemede jumys isteıtin 58 jastaǵy qyzmetker kórinedi. Oqıǵa mınıstrlik ǵımaratyn Iran prezıdenti Hasan Rýhanı tastap shyqqannan keıin oryn alǵan.
El prezıdenti munaı mınıstrligine kútpegen jerden saparmen kelse kerek. Biraq bul eki oqıǵanyń arasynda eshqandaı baılanys joq delinip otyr. Al zardap shegýshi shuǵyl aýrýhanaǵa jetkizilipti. Onyń denesiniń 55 paıyzyn kúıik shalǵan. Munaı satý Iran baılyǵynyń negizgi kózi bolyp tabylatyny belgili.
Narazylyq sharalary jalǵasýda
Ýkraınada bılik pen oppozısııa arasyndaǵy qarsy turýshylyq jalǵasyp jatyr. Onyń sońyna qashan núkte qoıylatyny belgisiz. Máselen, el astanasy – Kıev qalasynyń ortalyǵyna ótýge tosqaýyl retinde qoıylǵan eki «KamAZ» júk kóligine ot qoıylǵan.
Artynsha-aq «KamAZ-dar» órtelgen Shelkovıchnaıa kóshesin qara tútin alyp ketken. Osy aralyqta mıtıngke shyǵýshylar men mılısıonerler arasyndaǵy qaqtyǵys jalǵasyp jatqan. Bılik qamaýǵa alynǵan oppozısıonerlerdi tolyqtaı bosatý týraly zań qabyldaǵanymen, qos tarap onyń tolyqtaı oryndalatynyna kúmánmen qaraıdy. Qazirgi kezde oppozısııanyń Eýroodaqqa qarjylaı kómek surap qol jaıǵany da belgili bolyp otyr.
Qysqa qaıyryp aıtqanda:
Iraktyń astanasy – Baǵdat qalasynda qatarynan birneshe lańkestik aktiler jasaldy. Lańkestikter shııtter shoǵyrlanǵan aýdandarda uıymdastyrylǵan. Qaza tapqandar qatary qalyń. «Ansar Beıt ál-Makdıs» ıslamshyl toby Mysyrda ońtústikkoreıalyq týrıster mingen avtobýsta jasalǵan jarylysqa jaýapkershilikti óz moıyndaryna aldy. Jarylys saldarynan úsh adam qaza tapqan bolatyn. Avstralııanyń Papýa aýmaǵyndaǵy Manýs aralyna ornalastyrylǵan bosqyndar ustalatyn lagerde tártipsizdik oryn aldy. Tolqý kezinde bir adam ólip, seksenge jýyǵy jaralanǵan. Bosqyndar el aýmaǵyna zańsyz kelgender bolyp tabylady. «Baıqońyr» kosmodromynyń basshysy Evgenıı Anısımov otstavkaǵa ketti. Ol bul laýazymdy oryntaqta 2009 jyldan beri otyrǵan edi. Túrli qaýesetter aıtylǵanymen, otstavkanyń naqty sebebi belgisiz. Reseı jáne Estonııa syrtqy ister mınıstrleri Sergeı Lavrov pen Ýrmas Paet eki el arasyndaǵy shekara týraly kelisimge qol qoıdy. Oǵan sáıkes, eki eldiń KSRO kezindegi shekarasy ózgermeıtin boldy. Elshisin keri shaqyryp aldy Italııa úkimeti keshe ıtalııalyq áskerı teńizshilerdiń eki úndilik balyqshyny atyp óltirýine baılanysty jańa prosessýaldyq úzilis paıda bolýyna oraı narazylyq belgisi retinde óziniń Úndistandaǵy elshisin keri shaqyryp aldy.
«Elshi Danıel Manchını Nıý-Delıdi shuǵyl tastap shyǵady», – dep málimdedi Italııa syrtqy ister mınıstrliginiń ókili. Onyń sózine qaraǵanda, prosesti Úndistan joǵarǵy sotynyń kezekti ret sozýy tózimdi taýysatyn jaıt bolyp tabylady. Mundaıǵa jol berýge bolmaıdy. Italııalyq áskerı teńizshiler 2012 jyldyń 15 aqpanynda balyqshylardy pırattarǵa balap, atyp óltirgen edi.
Qaıǵyly aıaqtalǵan konsert
Ońtústik Koreıanyń Kıondjý qalasyndaǵy kýrorttyq keshen ǵımaratynyń qulaýy kezinde qurban bolǵandar sany 10 adamnan asyp jyǵylady. Ǵımarat qulap túsken kezde onyń ishinde shamamen birinshi kýrstyń 500 stýdenti bolǵan.
Qaıǵyly oqıǵaǵa ótken aptada osy óńirge qardyń ádetten tys kóp jaýǵany sebep boldy delinip otyr. Salmaqty kótere almaǵan ǵımarat qulap túsken. Sońǵy málimet boıynsha, 73 adam túrli deńgeıde dene jaraqatyn alǵan. Aralarynda hal ústinde jatqandary da bar delinýde. Osy sebepti qurbandar sany aıtarlyqtaı artýy yqtımal.
Jaza jeńildedi me, álde...
Úndistannyń joǵarǵy soty saıasatker Radjıv Gandıdiń ólimine qatysy bar dep ólim jazasyna kesilgen úsh sottalýshynyń jazasyn ómir boıy túrmede otyrý jazasymen almastyrdy.
Olar «Tamıl Ilamany azat etý jolbarystary» degen qozǵalystyń belsendi músheleri bolyp tabylady. Jergilikti aqparat agenttikteriniń habarlaýynsha, endi eldiń ońtústigindegi Tamılnad shtatynyń bıligi olarǵa raqymshylyq jasaýǵa quqyly. Qylmystyq isti qaıta qaraýǵa qol jetkizgen advokattar atalǵan úsheýdiń 20 jyldan astam ýaqyttan beri túrmede otyrǵandaryn alǵa tartqan. Olardyń pikirinshe, osynsha jyl túrmede otyrǵan olarǵa qatysty ólim jazasyn oryndaý adamgershilikke jatpaıdy.
Internet materıaldary negizinde ázirlendi.
