«Teńizshevroıl» jalaqyny ekinshi ret ósiredi

Elbasynyń qamdaǵany – elge qamqorlyq

Táýelsizdiktiń alǵashqy jyldarynda elimizge shetel ınvestısııasyn salýǵa ynta tanytqan ınvestordyń biri – «Shevron» korporasııasy. El Úkimeti men atalǵan ınvestordyń qatysýymen qurylǵan «Teńizshevroıl» bir­lesken kásipornynyń «Teńiz» ke­nishin ıgergenine 20 jyldan asty. Osy kezeńde tek munaı óndirip qana qoımaı, óńirdiń áleýmettik máseleleriniń oń sheshilýine de keńinen atsalysyp keledi. «Áleýmettik salaǵa ınvestısııa bólýdegi negizgi ustanym bıznestiń áleýmettik jaýapkershiligi men etıkasyn saqtaı otyryp, jergilikti kásipkerlik pen qaýymdastyqty barynsha qoldaý», dep túsindiredi «Teńizshevroıl» birlesken kásipornynyń bas dırektory Tım Mıller. «Teńizshevroıl» 2009 jyldan be­ri áleýmettik seriktestikke ne­giz­delgen áleýmettik ınves­­tı­sııa­lardyń ádettegi fılan­tropııalyq modelinen bas tartyp, bul kúnderi áleýmettik mańyzdy máselelerdi sheshýde tájirıbesi mol úkimettik emes uıymdarmen jumysyn jal­ǵastyrýda. Osy oraıda jyldyq bıýdjeti 1 mıllıon AQSh dollaryn quraıtyn áleýmettik ınve­s­tısııalar baǵ­dar­lamasy densaý­lyq saqtaý, bilim be­rýge baǵyt­talǵan jobalardy ta­bys­ty júzege asyrýǵa múmkindik berý­de. Degenmen, birlesken kásip­oryn­nyń áleýmettik ınvestısııa­sy kez kelgen baǵdarlamany qarjy­landyrýǵa jumsalmaıdy. Kásip­oryn bólimderiniń bilikti mamandarynan quralǵan áleýmettik ınvestısııalr jónindegi keńes jyl saıyn úkimettik emes uıymdardyń jo­balaryn tereń talqylap, jergi­likti halyqqa berer paıdasyna, óńirdiń ózekti áleýmettik máse­le­lerin sheshýge oń yqpal etetindigine baı­lanysty túpkilikti sheshim qabyl­daıdy. Sońǵy jyldary birlesken kásiporynnyń osy saladaǵy jobalary mańyzdylyǵymen erekshelendi. Máselen, Qazaqstannyń otba­sy­lyq dárigerler assosıasııasy­men birlesken jobada qan qysy­mynyń joǵarylaýynyń túrli sebepterine taldaý jasaldy. Al akademık Z.Qabdolov qorymen birlese ótkizilgen «Men qazaqsha bilemin!» atty jobaǵa óńirdegi ózge ulttyń ókilderi kóptep qatysyp, memlekettik tildi meńgerýdegi qadamyna qoldaý jasaldy. Osyndaı jobalarymen eldiń, ulttyń saýlyǵy men múddesin kózdegen birlesken kásiporyn 1993 jyldan beri Atyraý oblysyndaǵy ártúrli áleýmettik jobalarǵa 860 mıllıon AQSh dollarynan astam qarjy jumsady. Endi bıylǵy jyly da munaıly óńirdiń densaýlyq saqtaý jáne bilim berý salalaryna qoldaý kórsetý maqsatymen áleýmettik ınvestısııalar baǵdarlamasyna 1 mıllıon AQSh dollary kóleminde qomaqty qarjy salǵaly otyr. Sonymen qatar, «Teńiz­shev­roıl» óz qyzmetkerlerin áleý­met­tik turǵydan qoldaýdy bas­ty qaǵıda retinde ustanady. Osyǵan dálel retinde ár jyl saıyn ár qyz­metkerdiń jalaqysyna úste­me qosylatynyn aıta alamyz. Al bıylǵy aqpan aıy­nan bas­tap birlesken kásip­oryn­nyń ortaq tabysyna óz úle­sin qosqan qyzmetkerler jala­qy­sy 10 paı­yz­ǵa ósirildi. «Teńizshev­roıl­dyń» bas dırektory Tım Mıl­ler­diń aı­týynsha, ujymnyń ár múshe­sine árdaıym qoldaý kórsetilip ke­ledi. Mundaı áleýmettik mańyz­dy qoldaý aldaǵy ýaqytta da jal­ǵastyryla bermek. Bas dırektor T.Mıller ujym múshelerin aldaǵy 1 sáýirden bastap qyzmetkerlerdiń basym bóligi úshin jalaqy 9 neme­se odan da artyq paıyzǵa ósetin­digimen qýantyp otyr. Osylaısha, «Teńizshevroıl» birlesken kásip­orny jyl basynan beri óz qyz­metkerleriniń jalaqysyn ekinshi ret ósirýdi qolǵa almaq. – О́tken aptada Qazaqstan Pre­zıdenti Nursultan Nazar­baev iri kompanııalarǵa óz qyz­met­kerleriniń jalaqylaryn 10 paı­yzǵa arttyrýǵa usynys jasady. Memleket basshysynyń bul usy­nysy «Teńizshevroıl» bas­shy­lyǵy tarapynan keń qoldaý taý­yp, qyzmetkerler jalaqysyn ósi­rýge sheshim qabyldadyq. Biz­diń kásiporyn osy sheshimi ar­qy­ly Prezıdent tapsyrmasyn alǵash­qy­lardyń qatarynda oryndap otyr, – dedi bas dırektor T.Mıller. Bas dırektor jalaqyǵa qosyl­ǵan 10 paıyzdyq arttyrý, keıingi sáýir aıyndaǵy josparlanǵan jalaqy mólsherin kóterý «Teńiz­shevroıl» basshylyǵynyń eń úzdik munaı jáne gaz óndirýshi kásip­oryndarynyń qataryna qosýdaǵy qyzmetkerlerdiń tynymsyz eńbe­gin oryndy baǵalap, olardyń aldyn­daǵy mindettemesin oryndap otyrǵandyǵy, dep atap ótti. «Teńizshevroıldyń» óz qyz­met­kerlerine qajetti qoldaý kórsetýdi kózdegen baǵdarla­ma­lary kóp. Solardyń qatarynda tur­ǵyn úıdi nesıeleý men bi­lim granttaryn, fıtnes-klýb jar­nalary jáne kóptegen bonýs­tyq baǵdarlamalardy aıtý­ǵa bolady. Munyń barly­ǵy «Teńizshevroıldyń» qyzmet­ker­lerine básekege saı jalaqy men áleýmettik paket usyna alaty­nyn, sonymen birge, osyndaı baǵdarlamalar arqyly óz óndi­ri­sine qajetti eń úzdik jáne joǵary bilikti mamandardy jumysqa tartýdy qamtamasyz etýge qabiletti ekenin baıqatady. Joldasbek ShО́PEǴUL,  «Egemen Qazaqstan». Atyraý oblysy.