Táýelsizdiktiń 30 jyldyǵyna oraı Altyn Ordaǵa arnalǵan ǵylymı-praktıkalyq konferensııa aıasynda ekspedısııa ótip, oǵan ǵalymdar men arheologtar qatysty.
Mahambet aýdanyndaǵy Saraıshyq aýylynan 15 shaqyrym jerden «Saraıshyq» memlekettik tarıhı-mádenı qoryq-mýzeıiniń qyzmetkerleri bıyl júrgizgen qazba jumystary kezinde jebe ushtary, aına, keramıka synyqtary, tıyn saqtaıtyn shaǵyn qumyrany, О́zbek han tusyndaǵy teńgeler men monetalardy tapqan. Ǵalymdar bul jerde XIV ǵasyrda saýda kerýenderi toqtaıtyn kerýen saraıy bolǵan dep boljaıdy.
«Osy jyldyń maýsym aıynda arheologııalyq qazba jumystaryn bastadyq. Ashysaı ózeniniń jaǵasynda kerýen saraıy, halyq turatyn tutas bir eldi meken bolǵanyn dáleldeıtin jádigerlerdi taptyq. Kóne qumyranyń synyqtary men qysh ydystar barlyq aýmaqta kezdesedi. Arheologııalyq jumystar endi ǵana bastaldy. Biz bul aýmaqty zerttep, qazba jumystaryn júrgizemiz», deıdi Atyraý oblystyq tarıhı-mádenı qoryq-murajaıynyń bas ınspektory Aıbek Turaruly.
Ǵalymdar kóne kerýen saraıy ornyn Qazaqstannyń tarıhı-mádenı qundylyqtary tizimine engizýdi usyndy.
