Kásipodaqtar – áleýmettik únqatysýdyń mańyzdy salasy

Memleket basshysy Nursultan Nazarbaev Qazaqstan Ká­sipodaqtary federasııasynyń tóraǵasy Ábilǵazy Qusaıy­novty qabyldady, dep habarlady Prezıdenttiń baspasóz qyzmeti. Á.Qusaıynov Memleket basshysyn kásipodaqtardyń qazirgi qyzmeti, júrgizilip jatqan jań­ǵyr­tý jumystary jáne kásipodaq qozǵalysyn damytý perspektıvalary týraly habardar etti. Qazaqstan Prezıdenti óńirlerde kásipodaqtardyń belsendi ju­mys júrgizý qajettigine jáne olar­dyń áleýmettik seriktestik aıa­synda barlyq múddeli taraptarmen ózara yqpaldastyǵynyń mańyzdylyǵyna nazar aýdardy. – Kásipodaqtardyń negizgi min­deti – eńbekker men jumys berý­shi­ler arasynda týyndaıtyn máse­lelerdi der kezinde sheshý, al ol úshin kásiporyndardyń kásipodaq uıymdary barlyq taraptarmen tyǵyz yntymaqtastyqta bolýǵa tıis. Bul rette jumysshylardyń eń­­bek quqyqtaryn qorǵaýǵa baǵyt­tal­ǵan áleýmettik únqatysýdyń jańa túrlerin damytý mańyzdy, – dep atap kórsetti Nursultan Na­zar­baev. Federasııa tóraǵasy ju­mys­shylardyń eńbek quqyqtary men múddelerin qorǵaý úshin áleýmettik seriktestiktegi kásipodaqtar qoz­ǵa­lysynyń rólin arttyrý, sondaı-aq, áleýmettik-eńbek daýlarynyń aldyn alý maqsatyn kózdeıtin kásipodaqtar týraly jańa zańdy ázirleý barysy týraly da aıtty. Sýretti túsirgender S.BONDARENKO, B.OTARBAEV.