Bas prokýratýrada mańyzdy memorandýmǵa qol qoıyldy

Búgin, 21 aqpan kúni Astanada Bas prokýrordyń orynbasary Andreı Kravchenko men Qazaqstan ınternet assosıasııasynyń prezıdenti ózara yntymaqtastyq jónindegi memorandýmǵa qol qoıdy. Mańyzdy basqosýda A. Kravchenko úkimettik emes uıymdarmen birlese qolǵa alynatyn isterdi jáne ınternet jelisindegi aqparattardy júıeleý qajettigin atap ótti. Onda jarııalanatyn materıaldar eldiń tynyshtyǵyn buzbaýy, jastardy jaǵymsyz áreketterge ıtermelemeýi tıis. Bul rette ekstremızmdi jáne nápsiqumarlyqty nasıhattaýǵa qatań tyıym salynady. Prokýratýra organdary  osy ýaqyt aralyǵyna deıin memlekettik qurylymdarmen birlesip, 90 000 asa ınternet-resýrstarǵa monıtorıng júrgizdi. Bul is negizinen 2011 jyldan bastap qolǵa alynǵan bolatyn. Anyqtalǵan zań buzýshylyq boıynsha qajetti sharalar qabyldandy. Bul jolǵy kezdesý barysynda taraptar halyqaralyq tájirıbe jóninde oı bólisip, mańyzdy baǵdarlamalardyń tıimdi oryndalýy qajettigine basymdyq berdi. Ámirhan Almaǵanbetov. Derekkóz: Bas prokýratýranyń baspasóz qyzmeti. Foto: Bas prokýratýranyń baspasóz qyzmeti.