Berik qorǵan, altyn arqaý

«Aǵash tamyrymen myqty, adam dos-jarymen myqty». Mem­leketter arasyndaǵy ekono­mıkalyq jáne mádenı baıla­nystardyń mysaly da sol sııaqty. Ejelgi elderdiń óz shekaralaryn qalyń qamalmen qorshap alatyn zaman kelmeske ketti. Endigi jerde ózara dostyq pen syılastyq qana kez kelgen memleketter ara­syn­daǵy berik qorǵan, altyn arqaý bola alady. Kedendik statıstıka máli­met­teri boıynsha syrtqy saýda aınalymy óńirde 2013 jyldyń qańtar-qarashasynda 548,7 mıllıon AQSh dollaryn nemese 2012 jyldyń tıisti kezeńinde 120,1% qurady. Onyń ishinde eksport – 155,7 mıllıon AQSh dollary, al ımport – 393,0 mıllıon AQSh dollary boldy. Kedendik odaq sheńberinde 2013 jyldyń qańtar-qarashasynda oblysta Reseı men Belarýs el­derimen saýda aınalymy 66,6 mıl­lıon AQSh dollaryn qurasa, bul 2012 jyldyń tıisti kezeńinen 43,9-ǵa kem. Reseı – 55, 4 mıllıon AQSh dollary, Belarýs – 11, 2 mıllıon AQSh dollary. Onyń ishinde eksport – 13,8 mıl­lıon AQSh dollary, ımport – 52,8 mıllıon AQSh dollary. Oblys ákimi Kárim Kókirekbaev aldaǵy ýaqytta atalǵan memleket­ter arasyndaǵy birlesken kásip­oryndardyń sany men sapasyn arttyra otyryp, syrtqy saýda-sattyqtyń tabysyn burynǵydan da ulǵaıta túsýdi maqsat etip otyr. Oblysta 2013 jyly bólshek saýda aınalymynyń kólemi 146,2 mıllıard teńgeni qurap, 2012 jylmen salystyrǵanda 30,8%-ǵa ósti. Kóterme saýda aınalymy 192,7 mıllıard teńgege jetip, 24,4%-ǵa kóterildi. Kósemáli SÁTTIBAIULY, «Egemen Qazaqstan». Jambyl oblysy.