Shaǵyn bıznesti qoldaý arta tústi

Shymkentte «Shaǵyn bızneske arnalǵan 100 joba» atty anyq­tamalyq kitaptyń tusaýy kesildi. Elimizde tuńǵysh ret jaryq kórgen bul týyndyda ár salany qamtıtyn 100 shaǵyn bıznes-jospar jarııalanǵan. Onda kásipti bastaýǵa qarjy tabý kózderi, kásipkerlikke baılanysty memlekettik baǵdar­lamalardyń sharttary, qural-jabdyq­tardy jetkizý men qamtamasyz etý, bıznesti oqytý sııaqty aqparattar jan-jaqty qamtylǵan. Mamandar bolashaqta kitapty qazaq tiline aýdaryp, taralymyn 50 myń danaǵa deıin jetkizýdi kózdep otyr. Shaǵyn bızneske arnalǵan jańa jobalar «Bıznestiń jol kartasy-2020», «Jumyspen qamtý jol kartasy-2020» baǵdarlamalary aıasynda qarjylandyrylmaq. Kitapta kórsetilgen jobalardy halyqqa jetkizip, olardyń júzege asyrylýyna múmkindik jasaý úshin arnaıy bıznes mektepterin ashý da josparda bar. «Bıznes mektepteriniń ishinde kásip­kerlerge qyzmet kórsetý orta­lyǵy bolady. Onda jeke kásipkerlik ashý, salyq jaǵynan kómektesý, zań turǵysynan týyndaǵan suraqtarǵa jaýap berý, kásipkerlikti damytýǵa qajetti qarjyny tabýǵa járdemdesý syndy máselelerdiń barlyǵy qarastyrylatyn bolady», – deıdi oblystyq kásipkerler palatasynyń dırektory Nurjan Áltaev. Aıdar О́RISBAEV, «Egemen Qazaqstan».