Oıý tańbaly órnek

Elordada «Shejire» qazir­gi za­man­ǵy óner galereıa­synda belgili sýret­shi Baq­ty­bek Tal­qambaevtyń shyǵar­mashylyǵyna arnalǵan «Máńgilik El» atty kórmesi ashyldy. Kórme Elbasy Nur­sultan Nazarbaevtyń el halqyna Joldaýynda aıtqan «Máńgilik El» ulttyq ıdeıasyn qoldaıdy. – Memleket basshysynyń ulttyq ıdeıasy bizdi rýhanı talpynysqa, shyǵarmashylyq izdenisterge yntalandyrady. Sonyń dáleli osy ónerge arnalǵan kórme, – deıdi bul sharanyń basynda júrgen Roza Júsipova. Sýretshiniń keskindemele­rinen tabı­ǵattyń san túrli kórinisine kóz salsaq, oıý-tań­baly eńbekterinde boıaýdy qubyltyp otyrady. Oıýly óner, onyń tabıǵatpen, ǵaryshpen, tarıhpen baılanysyn ashyp tur­­ǵandaı. Ulttyń mádenı dili­niń qu­pııasyna tereńdep baryp, ıirim­derin qubyltyp jiberedi. – Elbasynyń Joldaýyndaǵy sony tujyrym bizdi, ási­rese, óner adamdaryn qanattan­dyrýda. Meniń shyǵar­mashy­lyǵymnyń astarynda negizinen ult bolmysy kórinis taýyp otyrady. Sodan da shyǵar, shetel­dik kórermender ár sýre­timdi jyly qabyldap, ha­lyq­tyq boıaýǵa rızalyq­taryn bildirip jatady. Ásirese, oıý tańbaly órnekterge iltıpattary erekshe aýady. О́tken men búgingini ushtastyra otyryp ultymyzdyń ozyq úlgisin óz eńbekterimde jań­ǵyrtyp, keıingige jetkizsem degen nıettemin, – deıdi sýret­shi Baqtybek Talqambaev. Shy­ǵarmashylyq basqosýda óner­tanýshy Ermek Asylhanov pen ǵalym Erbolat Dálenov sýret­shi týyndylaryna jyly lebizderin bildirdi. Ábdirahman QYDYRBEK, «Egemen Qazaqstan».