«Biz osy kezge deıin 465 tekserý júrgizdik. Sonyń nátıjesinde mobıldi baılanys operatorlar jumysynan aqaý tabylyp, olarǵa 104 mln teńgeniń aıyppuly salyndy. Sonymen qatar biz aýyldardy sapaly ınternet jáne baılanyspen qamtý jumysymen aınalysamyz. Jyldam ınternet jáne sapaly baılanyspen qamtý sharasyna qatysty tekserý jumysyn odan ári jalǵastyratyn bolamyz. Eger baılanys operatorlary aqsaı beretin bolsa, onda ákimshilik shara qabyldap, qajet jaǵdaıda qyzmet kórsetý quqyǵynan aıyrý qadamyna deıin baramyz», dedi Erlan Dúısen.
О́z kezeginde QR Parlamenti Senatynyń depýtaty Edil Mamytbekov telekommýnıkasııa salasynyń joǵary qarqynmen damyp jatqanyn jetkizdi.
«Memleket basshysy bıylǵy Joldaýynda sıfrlandyrý salasynyń mańyzdylyǵyna erekshe toqtalyp ótti. Básekelestikti damytamyz desek, jumys sapasyn arttyrýymyz kerek. Sonymen qatar Prezıdent eldimekenderge ınternet tartyp qoımaı onyń sapasyn retteýdi tapsyrdy. Odan bólek, otandyq IT salasy mamandaryn daıarlaý mindetin de júktedi. Prezıdent tapsyrmasyna sáıkes 100 myń qazaqstandyq IT mamanyn ázirleý qajet. Telekommýnıkasııa zamanaýı jyldam damyp jatqan salanyń biri. Osy turǵyda bizde kóshten qalmaýymyz kerek», deıdi depýtat.
Aıta keteıik, búgin elordada otandyq telekommýnıkasııa jáne sıfrlandyrý salasynyń damý barysyna arnalǵan dóńgelek ústel ótti. Atalǵan sharaǵa quzyrly memlekettik organ ókilderimen qatar sala mamandary qatysty.
