Shyǵysta ındýstrııalyq-ınnovasııalyq damýdyń jańa kezeńi bastalady

Shyǵys Qazaqstanda ekinshi besjyldyqta transulttyq kompanııalarmen birlesken 5 joba iske qosylady. Búgingi kúnniń ózinde óńirde avtokólik jasaýda – «Reno-Nıssan», metallýrgııa­da – álemdik kóshbasshylar sanatynan tabylatyn «Posco», geologııalyq barlaýda «Rıo Tınto» jobalary qolǵa alyndy. Keshe Premer-Mınıstrdiń oryn­basary – Indýstrııa jáne jańa teh­nologııalar mınıstri Áset Isekeshev Shyǵys Qazaqstan oblysyndaǵy ju­mys saparyn «Azııa-Avto Qazaq­stan» zaýytynan bastady. Vıse-premer jylyna 120 myń avtokólik shyǵarýǵa qýaty jetetin zaýyt pen avtobólshekter óndiretin tehno­park qurylysymen tanysty. «Azııa-Avto» atalǵan jobany «Reno-Nıs­san» alıansymen birigip júzege asy­rýda. Joba quny – 74,5 mlrd. teńge. Onyń ishinde 14,5 mlrd. – óz qarjysy bolsa, qalǵan bóligi Eý­ra­zııa damý banki men Eýropa qaıta qurý jáne damý bankiniń zaım­dary. Bul nysandy kelesi jyly paı­dalanýǵa berý josparlanǵan. Sol kezde 4 myń turaqty jumys orny qurylmaq. О́nimniń jartysy eks­portqa shyǵarylady. Taǵy bir ınvestısııalyq joba – tıtan quımalaryn óndiretin «POSÝK Tıtanıým» JShS. Bul joba­ny jergilikti tıtan-magnıı kombınaty koreılik áriptesterimen birge júzege asyrýda. Quny – 7,384 mlrd. teńge. Joba jetekshileriniń aıtýynsha, zaýyt 2016 jyly iske qosylady. Á.Isekeshev Memleket bas­shy­synyń tapsyrmasyna sáıkes, Úki­mettiń óńdeýshi ónerkásipke, ási­rese tıtan-magnıı kombınatyna she­tel­dik ınvestısııany tikeleı tartý jumystaryn jandandyrýǵa kiris­kenin jetkizdi. – Biz, ındýstrııalyq-ınno­va­sııa­lyq jobalar úshin álemdik báse­­kelestiktiń artýy ınvestorlar­dy tartýdyń jańa sheshimderin iz­des­tirýdi qajet etetinin kórip otyrmyz. Bul – ınvestısııalyq klımatty jaqsartýdan ǵana turmaıdy, onymen birge transulttyq kompanııalar arasynan beldi kompanııa-ınvestorlardy tartý máselelerin de qamtıdy. Bul úshin qazir Úkimette ınvestorlarǵa arnalǵan jańa yntalandyrý paketi talqylanyp jatyr, – dedi ol. О́ndiris alańdaryn aralap bolǵan soń Á.Isekeshev pen óńir basshysy Berdibek Saparbaev údemeli ın­dýstrııalyq-ınnovasııalyq damý qorytyndylary jáne ındýs­trııa­landyrýdyń ekinshi besjyldyǵynyń basymdyqtaryn saralaǵan jıyn ótkizdi. – Shyǵys Qazaqstan – elimizdiń metallýrgııalyq ortalyqtarynyń biri. Sońǵy kezde óńirde mashına jasaý salasy jedel damyp keledi. Sony­men birge oblystyń damýy­na jańa serpin beretin ózge de sek­tor­lardy saraptaý qajet, – dedi Á.Ise­keshev. Premer-Mınıstrdiń orynbasa­ry Indýstrııalandyrý kartasy jo­balarynyń tolyq qýatynda jumys isteýi, sondaı-aq, joba sapa­synyń joǵary bolýy óte mańyz­dy másele ekenin atap ótti. Indýs­trııalandyrý kartasy sheńberinde 4 jylda jalpy somasy 190,7 mlrd. teńgege 37 joba iske qosyldy. 3,7 myń jumys orny quryldy. Bıyl taǵy 14 jobany júzege asyryp, 1,5 myń jumys ornyn qurý josparlanyp otyr.   Jıynnyń qorytyndysynda eki qujatqa qol qoıyldy. Shyǵys Qazaqstan oblysy ákimdigi men Indýstrııa jáne jańa tehnologııalar mınıstrligi týrızm salasyndaǵy áriptestikti damytý týraly, sondaı-aq atalǵan mınıstrlik pen «QazSınk» JShS geologııa salasyndaǵy árip­tes­tikti damytý jónindegi memorandýmdar qabyldady. Bul qujattar «Úlken Altaı – Ortalyq Azııadaǵy biregeı kendi aımaq» jobasyn júzege asyrý sheńberinde Shy­ǵys Qazaqstan aý­maǵyndaǵy mıne­raldy-shıkizattyq bazany ulǵaı­tý jáne geologııalyq barlaý baǵdarlamasynyń tıimdiligin arttyrýǵa baǵyttalǵan. Memorandýmǵa sáıkes, «Qaz­Sınk» kásiporny 2014-2018 jyl­dar aralyǵynda bes jyl boıy 15 mlrd. teńgeden kem emes qarjyǵa Qazaqstan terrıtorııa­synda geologııalyq barlaý jumystaryn júrgizýdi qarjylan­dyrý mindetin aldy. Geologııa­lyq barlaý jumystaryn júrgizý úshin mınıstrlik geologııa jáne jer qoı­naýyn paıdalaný komıtetimen birge Kendi Altaıdaǵy jer qoınaýyn paıdalaný quqyn qamtamasyz etedi. «QazSınk» jáne «Rıo Tınto» ká­sip­oryndarymen kelisimge sáıkes, al­daǵy jyldary geologııalyq barlaý jumystaryna 30 mlrd. teńgege jýyq qarajat quıý josparlanyp otyr. Úkimet basshysynyń orynbasary jumys saparynyń sońynda Shy­ǵys Qazaqstannyń týrıstik múm­kindikteri kórsetilgen kórme ju­mysymen tanysty. Dýman ANASh. О́skemen.