Tıisti usynym qabyldandy

Májilistiń Áleýmettik-mádenı damý komıtetiniń tóraıymy Darıǵa Nazar­baevanyń jetek­shiligindegi ótken kezekti keńeıtilgen komıtet otyrysy «Qazposhta» AQ-tyń búgingi jaǵdaıy men bolashaǵy» máselesine arnaldy, dep habarlady osy palatanyń baspasóz qyzmeti. Komıtet múshelerine «Qaz­poshta» AQ tóraǵasy Ashat Beı­senbaev baıandama jasady. Búgingi qazaqstandyq poshtada 22 000 adam jumys isteıdi, elimizdegi 3131 baılanys bólimshesi, 14 ob­lys­tyq fılıal, Astana jáne Al­maty qalalaryndaǵy 2 pochtamt, 7 mamandandyrylǵan fılıaly bar. Onyń ishinde, 2185 óndiristik nysan aýyldyq jerlerde, 676 birlik qalalyq jerlerde, 156 birlik aýdan ortalyqtarynda ornalasqan jáne 114 jyljymaly poshta baılanysy bó­limshesi bar. Qazaqstanda 6936 aýyldyq el­di meken bar, onyń 31,5%-y stasıonarlyq ón­­di­ris­tik obektilermen, 54,2%-y­na jaqyn bó­limshelerdiń posh­tashylarymen, 14,3%-y jyljy­maly baılanys bólimshelerimen qyz­met kór­setiledi. Osylaısha, «Qazposhta» Qazaqstandaǵy barlyq eldi mekenderge qyzmet kórsetedi. Qazaqstan Respýblıkasyna júk­telgen mindettemelerdi, onyń ishinde Dúnıe­júzilik posh­ta odaǵynyń (DPO) taǵaıyn­dalǵan operator týraly habar­la­masyn eskere otyryp, Par­la­ment Májili­siniń depýtattary «Qazaqstan Respýblı­kasynyń poshta baılanysy jáne poshta operatorlarynyń qyzmetin ret­teý salasyndaǵy normalaryn Dúnıejúzilik posh­ta odaǵy akti­leriniń normalarymen úıles­tirý máseleleri boıynsha Qa­zaq­standaǵy keıbir zańnamalyq aktilerine ózgerister men tolyq­tyrýlar engizý týraly» zań jobasyna bastamashylyq etti. Atal­ǵan zań jobasy Qazaqstan Res­pýblıkasynyń «Poshta týraly» Zańyna tıisti ózgerister engizýdi qarastyrady. Qazirgi kezde el Úkimetiniń uıǵarymy alynyp, zań jobasy Parlamenttiń Májilisine jiberildi. Osyǵan baılanysty zań jobasyn jedel túrde qabyldaýǵa kómek qajet. Otyrys barysynda birqatar memlekettik organdardyń, «Sa­muryq-Qazyna» qorynyń ókilderi sóz sóıledi. MZJO, Aqmola, Qara­ǵandy jáne Pavlodar oblys­tarynyń ókilderi óz oı-pikirlerin ortaǵa saldy. Talqylaýǵa «Egemen Qazaqstan» jáne «Kazahstanskaıa pravda» gazetteriniń basshylary da qatysty. Talqylaý qorytyndysy boıynsha tıisti usynym qabyldandy.