Ǵajaıyp apparat

Oblystyq onkologııalyq dıs­pan­serdiń materıaldyq-tehnıkalyq bazasy taǵy bir zamanaýı qondyrǵymen tolyqty. Medısınalyq mekemeniń bas dárigeri Ermek Ábdirimovtiń aıtýyn­sha, óńir respýblıkalyq qazy­nanyń qarajatyna satyp alynǵan kompıý­terlik tomograf ornatylǵan úsh ob­lystyń biri sanalady. – Baǵasy 320 mıllıon teńge tura­tyn ámbebep medısınalyq qural-jab­dyqtyń artyqshylyqtary óte kóp. Eń basty jańalyǵy retinde kúrdeli obyr aýrýlarynyń dıagnozyn sanaýly ýaqyt ishinde jedel ári aına-qatesiz dál anyqtaý múmkindigin aıtar edim. О́kinishke oraı, oblys obyr aýrýlary jóninen elimizde aldyńǵy oryndardyń birinde turǵanyn eskersek, asa qaterli naýqastardyń aldyn alýǵa, ýaqtyly em-dom qoldanýǵa úlken septigin tıgizeri anyq, – deıdi Ermek Ǵabbasuly. Búginde kompıýterlik tomografpen jumys isteıtin mamandar Belarýste bilimderin jetildirip keldi. Sanaýly kúnderden keıin alǵashqy pasıentter tegin qabyldana bastaıtyn bolady. О́mir ESQALI, «Egemen Qazaqstan». Soltústik Qazaqstan oblysy.