Ata-ana mindetin memleket atqardy

«Bir jetimniń mańdaıyn sı­pa­ǵanǵa jumaqtyń jeti qaqpasy ashylady» degen sóz bar. «Je­tim kórseń, jebeı júr» deı­di qazaq. Jetimdik – taǵdyrdyń jazýy. Ony eshkim surap almaıdy. Peshenesine solaı beri­ledi. Qoǵam tasbaýyrlanyp ba­ra jatqan myna zamanda jetim­derdiń sany kóbeımese, azaımaı turǵany ókinishti. Kókek ana men jaýapkershilikten ada ákeniń oısyz áreketteri talaı balanyń kózin jáýdiretip, jetimdiktiń qamytyn jastaıynan kııýge májbúrlep otyr. О́mirge Ja­ratýshynyń yqtııarymen kelgen shaqalaqtyń eshqandaı jazyǵy joq bolsa da, taǵdyrdyń osyndaı talqysyna túsedi. Ákeniń aqylyn, shesheniń aıaly alaqanyn sezinbegen baladan bir jylylyq kútýdiń ózi ábestik shyǵar-aý. Sondyqtan ata men ananyń rólin bul tur­ǵyda memleket atqarady. О́si­redi, tárbıeleıdi, oqytady, jetildiredi. Munyń bári durys. Deı turǵanmen, olardyń qoǵamda óz ornyn tabýy eń mańyzdy másele. Orta mektepten soń joǵary bilim alyp, bir salaǵa mamandanyp, otbasyn quryp, osy qoǵamnyń tolyqqandy azamaty retinde qalyptasýyna deıin kóp tirshilik atqarýdyń kerektigi anyq. Sondyqtan memleket ata-ana qamqorlyǵynan erte qalǵan jastarǵa udaıy kóńil bólip otyrady. Biz burnaǵy kúni sondaı bir áserli kórinistiń kýási boldyq. Qyzylorda oblysynyń ákimi Qyrymbek Kósherbaev jetim qalǵan 17 balaǵa baspana kiltin berdi. – Biz de qatty tolqyp otyr­­myz. Taǵdyrdyń jazýy­men ata-anasyz óstińizder. Ta­­laı qıynshylyqty bastan ótker­­dińizder. Biraq sizderdi qanat­tyǵa qaq­tyrmaıtyn, tumsyqtyǵa shoqyttyrmaıtyn Táýelsiz elimiz bar. Ákelik qam­qorlyǵyn aıamaıtyn Elba­symyz bar. Sondyqtan árqaı­sy­lary­ńyz­dyń oıǵa alǵan ar­mannyń oryndalatynyna sene­min. Búgingi kezdesýimiz de so­nyń dáleli, – dedi Qyrymbek Eleýuly. Atalǵan ıgi bastama «Jumys­pen qamtý-2020» baǵdar­la­mas­y­nyń sheńberinde iske asqan. Osydan-aq baǵdarlamanyń je­mis­ti jumys istep jatqanyn kó­rýge bolatyn shyǵar. On jeti bala. On jeti taǵdyr. On jeti bolashaq. Mine, jyl basynda osynsha jastyń úmit shyraǵy laýlap jandy. Ony biz jastardyń janarynan anyq kórdik. Jetim qalǵan jastarǵa páter kiltin tapsyrý rásiminde sóz alǵan Rımma Turysheva tebirene sóıledi. – Biz ata-ananyń jylýyn sezinbeı óssek te, týǵan elimizdiń qamqorlyǵyn udaıy kórip kelemiz. О́zim «Aqmeshit» gýmanıtarly-tehnıkalyq ıns­­tı­týtyn esep jáne býhgal­ter mamandyǵy boıynsha aıaq­tadym. №136 orta mektepke ma­mandyǵym boıynsha jumysqa ornalastym. Jaqynda otbasymyzda úshinshi sábıimiz ómirge kelmek. Mine, osyndaı qýanyshqa barlyq otbasymmen  kelip otyrmyn. Jeke páter alyp otyrmyz. Budan artyq qandaı baqyt kerek?! Bizdi kúresinge túsken taǵdyrymyzǵa kúrsinis aralastyrmaı, qaıta barynsha qoldap-qorǵap kele jatqan Elbasymyzǵa aıtar alǵysymyz sheksiz,– dedi ol. Jetimdiktiń zardabyn endi eshkim tartpasyn dep tileıik. Erjan BAITILES, «Egemen Qazaqstan». QYZYLORDA.