Joldaý – jańasha uǵym

Keshe Oral qalasynda oblys aktıvi ótkizilip, Mádenıet jáne aqparat mınıstri, respýblıkalyq nasıhattyq-aqparattyq toptyń jetekshisi M.Qul-Muhammed aktıvke qatysýshylardy sapar maqsatymen tanystyrdy. Búgin Oral óńirine ortalyq memlekettik organdardyń jetek­shileri men jaýapty qyzmet­kerleri Elbasynyń bıylǵy Jol­daýyn el arasynda túsindirip, taldaý maqsatymen kelip otyr. Árıne, ómir bolǵan soń  bári tep-tegis, jup-jumyr bola bermeıdi. Aqjaıyq aıma­ǵyn­da qandaı prob­lemalar men sheshimin taba almaı jatqan máseleler bar? El-jurttyń ár­túr­li talap-tilekteri men muń-muqtajdaryna qulaq túrý de – aqparattyq-nasıhattyq top mú­sheleriniń basty paryzy. Olar aýdandarǵa shyǵyp, eldiń tynys-tirshiligimen tanysyp, alda turǵan mindetterdi Elbasy Joldaýymen úndestire, baıla­nystyra qaraýǵa den qoıyp otyr. Top jetekshisi retinde osyn­daı maqsatpen ózim de qazir bir aýdanǵa júrgeli otyrmyn. Keıin sapar qorytyndysy boıynsha jınaqtalǵan aqparattar men taldaýlar Memleket basshy­syna usynylady, – dedi mınıstr. Muhtar Abraruly budan ári ol sońǵy 17 jylda barsha qazaq­standyqtardyń tildik qoryna keńinen engen, ári olardyń sana-sezimderinen berik oryn tepken Joldaý uǵymy jóninde aıtyp berdi. Iаǵnı, Joldaýdyń ózi – múldem jańasha uǵym, jańasha túsinik. Sonaý 1997 jyly Elbasy óziniń Joldaýyn tuńǵysh ret respýblıka turǵyndaryna ja­rııalaǵan kezde mundaı úrdis kóptegen ózge memleketter úshin buǵan deıin qoldanylmaǵan tyń tásil edi. Onyń aıasyn tek bir ǵana TMD memleketterimen shek­­teı salýǵa bolmaıdy. Sodan soń top jetekshisi Elba­synyń jyl saıynǵy dástúrge aınalǵan joldaýlarynyń arasynda tarıhı mańyzy aıryqsha joǵary, el ekonomıkasy men mádenıetin damytýǵa tyń serpilis ákelgen úsh Joldaýǵa erekshe mańyz berdi. Munyń birinshisi, árıne, joǵaryda aıtylǵandaı, «Qazaqstan-2030» Strategııasyn qabyldaǵan 1997 jylǵy tuńǵysh Joldaý. Munda memleketti damy­týdyń uzaq merzimge arnalǵan jeti baǵyty men eldi tutastaı ındýstrııalandyrýdyń jańa kók­jıekteri belgilendi. О́ziniń máni men mańyzy jóninen taǵy bir tamyry tereń qujattyń biri – 2005 jyly jarııalanǵan Qazaqstannyń saıası-ekonomıkalyq jáne áleý­met­tik damý joldaryn jedeldetý men jańǵyrtýǵa baǵyttalǵan Joldaý. Munda bes memlekettik baǵdarlamany júzege asyrýǵa basymdyq berildi. Bular – taǵy da ındýstrııa­landyrý, sonymen birge, densaýlyq saqtaý, bilim berý, turǵyndardy eńbekpen qamtý jáne tilderdi damytý baǵdarlamalary. Qazirgi kún bıiginen qaraǵanda, munyń bári de ózderiniń tarıhı mindetterin oryndap shyqty. Prezıdent Nursultan Nazar­baev álemdik qaýymdastyq arasynda alǵashqylardyń biri bolyp jarııa etken joldaýlardyń arasynda «Qazaqstan-2050» Stra­tegııasynyń orny tipten bólek. Munda aldyńǵy joldaý­larǵa ózek bolǵan eldi tutastaı jańǵyrtý jónindegi atqarylǵan isterge baǵa berildi. Táýelsizdik jyldarynda júzege asqan san alýan ister sarapqa salyndy. Eń bastysy, osy Joldaýda memleketimizdiń 2050 jyl­darǵa deıingi Damý strategııasy taıǵa tań­ba basqandaı aıqyndalyp berildi. Mun­daǵy bas­ty maqsat – Joldaýdyń ataýynda tur. Iá, tek bir maqsat, bir múdde, bir bola­shaq jaǵ­daıynda ǵana biz alǵa qoıylǵan stra­te­gııalyq maqsattarǵa qol jetkize alamyz. Oral óńirine ortalyq memlekettik organ­dardyń jaýapty qyzmetkerlerin bastap kel­gen top jetekshisi óz oıyn osylaı túıindedi. Keshe top músheleri ózderi alǵa qoıǵan mindetterdi oryndaý úshin oblys aýdandaryna attanyp ketti. Temir QUSAIYN, «Egemen Qazaqstan». Batys Qazaqstan oblysy.