Baspanaǵa qoljetimdilik artpaq

Keshe Premer-Mınıstrdiń birinshi orynbasary Baqytjan Saǵyntaev selektorlyq rejimde keńes ótkizip, onda «Halyqty turǵyn úımen qamtamasyz etýdiń jaıy men perspektıvalary týraly» 2012 jylǵy 7 jeltoqsandaǵy parlamenttik tyńdaýlar qorytyndysy boıynsha bergen Parlament Májilisiniń usynysyn oryndaý jónindegi máseleler qaraldy, dep habarlady Premer-Mınıstrdiń baspasóz qyzmeti. Keńes jumysyna Pralament Májilisiniń depýtattary, orta­lyq atqarýshy organdardyń bas­shy­lary, oblystar, Astana men Almaty qalalarynyń ákimderi qatysty. «Tutastaı alǵanda, turǵyn úı qurylysy máseleleri boıynsha saıa­sat halyq úshin turǵyn úı qol­je­tim­diligin odan ári arttyrýǵa baǵyt­talatyn bolady», dedi B.Saǵyntaev. Parlament Májilisiniń usy­nysyn oryndaý boıynsha qabyl­danǵan sharalar týraly О́ńirlik damý vıse-mınıstri S.Nokın sóıledi. Ol «Qoljetimdi turǵyn úı-2020» baǵdarlamasy sheńberinde tabysy tómen azamattardy turǵyn úımen qamtamasyz etý maqsatynda, eko­nom-sanatty shaǵyn úıler salý men paıdalaný týraly she­shim qabyldanǵanyn, sondaı-aq qar­jylyq qural sıpatynda halyqqa turǵyn úı jınaq júıesi nemese odan ári satyp alý quqyǵy bar uzaq merzimdi jalǵa alý arqyly múm­kindik beriletinin aıtty. Keńes barysynda Parlament Májilisiniń depýtaty D.Nazarbaeva búgingi kúnge usynystyń 70 paıy­zynyń oryndalǵanyn, qalǵan máse­leler boıynsha Úkimettiń tıis­ti jumystardy júrgizip jatqa­nyn atap ótti. Sonymen birge, D.Nazarbaeva ınvestorlardy áleýmettik úıler salýǵa, sondaı-aq úlgilik áleýmettik nysandar jobalaryn daıyndaýǵa yntalandyrý qajettigine nazar aýdartty. Keńesti qorytyndylaı kele, Premer-Mınıstrdiń birinshi oryn­basary múddeli memlekettik organ­darǵa jáne oblystar, Astana men Almaty qalalarynyń ákimderine «Qoljetimdi turǵyn úı-2020» baǵ­darlamasyn tıimdi júzege asyrýdy qamtamasyz etýdi tapsyrdy. Sondaı-aq, B.Saǵyntaev «halyq úshin asa mańyzdy osynaý máseleni birlesip talqylaý tıimdi sheshimder qabyldaý úshin óte paıdaly, deı kele, parlamenttik tyńdaýlar qo­ry­tyndylary jáne basqa da mańyz­dy máseleler boıynsha usynys­tar­dyń oryndalýy barysyn bir­lesip talqylaý úrdisin odan ári jal­ǵastyrý tıimdi», dep atap kórsetti.