Fılıaldar iske kiristi

Oblystyń on eki aýdany men Embi qalasynda Aqtóbe oblysy kásipkerleri palatasynyń fılıaldary  ashylyp, óz jumystaryn bastady. Fılıal dırektorlarynyń tıimdi jumys isteýi úshin tanystyrý semınary uıymdastyrylyp, onda olar palatanyń negizgi qyzmet baǵyttarymen tanys­tyryldy. Budan basqa sarapshylar semınarǵa qatysý­shylarǵa bloktar boıynsha tusaýkeserler ótkizdi. Oblys­tyq kásipkerler palatasy ákimshilik bóliminiń bastyǵy Áıra Ábýbákirova jańadan taǵaıyndalǵan fılıal dırektorlaryn jańa qyzmetterimen quttyqtap, ortaq iste tabys tiledi. Bizdiń basty mindetimiz ortalyqtan shalǵaıda ju­mys isteıtin bıznes qury­lym­darynyń múddesin qoldaý, qu­qyǵyn qorǵaý bolyp taby­lady. Bizdiń qurylymdy  ká­sipkerlik ortamen jáne mem­lekettik organdar ara­syndaǵy kelisim alańy dese bolady. Sizderge alys aýyldyq jerde kásipkerliktiń kedergisiz damýy úshin úlken jaýapkershilik júktelip otyr, dep atap ótti ol. Fılıaldar basshylary­na jumysty oıdaǵydaı uıym­dastyrý tapsyryldy. Olar­ǵa fılıaldardy tirkeý qu­jattary jáne jumysta bas­shylyqqa alatyn  materıaldar úlestirildi. Satybaldy SÁÝIRBAI, «Egemen Qazaqstan». Aqtóbe oblysy.