Qyzylordada qurylysqa jaýapty basshylar sottaldy

Qyzylorda oblysynda «Býshara» túrik kompanııasynyń basshylary sottaldy. Bul týraly «Astana» telearnasy habarlady. Atalǵan aımaqtaǵy aspaly kópirdi salýdy mindetine alǵan «Býshara» túrik kompanııasy jalǵan qujat daıyndap, memleketke 18 mln.teńgeden asa shyǵyn keltirgen. Sol jalǵan qujatta  bul nysannyń merziminen buryn salynǵany kórsetilgen eken. Alaıda, tekserý kezinde aspaly kópir qurylysynyń aıaqtalmaǵany, oǵan sapasyz materıal paıdalanǵany anyqtaldy. Osy keleńsizdikke tikeleı kináli Zııa Metın men Keten Erdoǵan sot úkimimen 5 jylǵa bas bostandyqtarynan aıyryldy. Sondaı-aq,  jalǵan málimetter engizilgen resmı qujattarǵa qol qoıǵan tehnıkalyq qadaǵalaý mekemesiniń bas mamany  Appazov ta shartty túrde 5 jylǵa sottaldy. Oblystyq ekonomıkalyq qylmysqa jáne sybaılas jemqorlyqqa qarsy kúres departamentiniń aǵa tergeýshisi Rýslan Musabekovtiń aıtýynsha, oblystyq jolaýshylar kóligi men avtomobıl joldary basqarmasynyń burynǵy basshysy jáne onyń orynbasary men bas mamany da joǵarydaǵy qurylystyń sapasyna kináli bolǵan. Biraq, bular raqymshylyq zańyna sáıkes,  jazaǵa tartylmaǵan eken. Ámirhan Almaǵanbetov. Derekkóz: «Astana» telearnasy. Foto: «Habar» telearnasy.