Mysyrda jańa pıramıda tabyldy

Mysyr astanasy Kaır túbindegi Dahshýrda qazba jumystaryn júrgizip jatqan arheologtar toby feldmarshal as-Sısıdiń arǵy túp babasy bolyp tabylatyn perǵaýynnyń qurmetine salynǵan ejelgi pıramıdany tapty. Bul týraly Ras.kz habarlady. Mysyrdyń ejelgi eskertkishter jónindegi belgili mamany Zakı Havas pıramıdanyń V áýlet perǵaýynyna tıesili ekenin málimdedi. «Qazba jumystary kezinde tabylǵan arhıtektýralyq eskertkish Mysyrdy bıleýshilerdiń V áýletine jatatyn Djedkar Isesıdiki bolyp tabylady. Onyń Mysyrdyń qazirgi qorǵanys mınıstri feldmarshal Abdel Fattah as-Sısıge tikeleı qatysy bar, – dep túsindirdi ol. – Biz óz dáýirimizge deıingi XXV-XXIV ǵasyrlarda ómir súrgen perǵaýynnyń as-Sısıdiń babasy bolyp kelýi ábden múmkin dep esepteımiz». Al Djedkar Isesı esimin «Ranyń ólmes jany» retinde aýdarýǵa bolady eken. Bul – atalmysh perǵaýynǵa arnalǵan Kaır túbindegi ekinshi osyndaı eskertkish. Sakkara nekropolinde syrtqy munarasy osyǵan uqsas, «qaraýyl pıramıda» degen ataýmen beıit te tabyldy. Djedkar Isesı eldi 44 jyl bılepti. Aıdar О́risbaev. Derekkóz: Ras.kz. Foto: EPA/AMEL PAIN.