Dıeta merzimnen buryn bosanýdyń aldyn alýǵa kómektesedi

Jemis-jıdek, kókónis, balyq pen taza sýdy kúndelikti asta jıi qoldaný júkti áıelderge merzimnen buryn bosanýdyń aldyn alýǵa kómektesedi deıdi Shvesııa, Norvegııa men Islandııa ǵalymdary. Bul týraly RIA «Novostı» habarlady. Ǵalymdardyń eńbegi «British Medical» jýrnalynda jaryq kórdi. Olar Norvegııada 2002-2008 jyldar aralyǵynda merzimnen buryn bosanǵan 66 áıeldiń deregine zertteý júrgizgen. Onda áıelder ózderiniń júktilik kezderindegi alǵashqy 4-5 aıda qandaı taǵamnan dám tatqany týraly aıtqan eken. Zertteýshiler merzimnen buryn bosanýdyń aldyn alýǵa kómektesetin úsh túrli dıeta usynyp otyr. Onyń birinshisi – «únemdi». Oǵan kóp mólsherde jemis-jıdek pen kókónis, ósimdik maıy, sý men úı qusynyń eti kiredi. Ekinshi dıetany ǵalymdar «batystyq» dep atap, onyń quramyna aq nan, jartylaı daıyndalǵan ónimder men tátti jáne tuzdy taǵamdardy engizdi. Al úshinshi  «dástúrli» dıetaǵa kartop, balyq, buqtyrylǵan kókónister men maılylyǵy tómen sút jatady. Aıdar О́risbaev. Derekkóz: Ria.ru. Foto: Lekariy.ru.