«Altyn tobylǵy» baıqaýynda jyl saıyn respýblıka kóleminen daryndy ádebıetshiler anyqtalady.
Bul - shyǵarmashylyq jastar arasynda suranysqa ıe jobanyń biri. Jeńimpazdar arasynda «Egemen Qazaqstan» gazetiniń tilshisi Dúısenáli Álimaqyn da bar.
«Qatysýshylar eńbeginde halyqtyń qundylyǵyn, tarıhyn, mádenıetin, adamgershilik qasıetin, táýelsizdik kezindegi qazaqstandyqtardyń jetistigin, egemen Qazaqstannyń damýyndaǵy Tuńǵysh Prezıdenttiń rólin kórsetti.
Baıqaýǵa qatysyp, qyzyqty dúnıeler kórsetkeni úshin árbir avtorǵa alǵys aıtamyz. Sizderdiń eńbegińiz zamanaýı ádebıetti oqýǵa, rýhanı qundylyqtardy nyǵaıtýǵa degen qyzyǵýshylyqtyń artýyna yqpal etedi», dep atap ótti Nursultan Nazarbaev qory atqarýshy dırektorynyń orynbasary Álkeı Marǵulanuly.
Baıqaý jeńimpazdary:
- «Jyldyń úzdik prozasy» nomınasııasy Jámıla Abdýllaeva («Uıat, qyzym!» romany);
- «Jyldyń úzdik poezııasy» - Dúısenáli Álimaqyn («Kúzgi keshte gúl esiner»);
- «Jyldyń úzdik dramatýrgııasy» - Álisher Aıtýar («Illıýzııa»);
- «Jyldyń balalarǵa arnalǵan úzdik shyǵarmasy» - Jadyra Baıbulanova («Áshekeı»);
- «Qazaqstan Táýelsizdiginiń 30 jyldyǵyna arnalǵan úzdik týyndy» - Shapaǵat Ábdiruly.
«Qazaqstan Táýelsizdiginiń 30 jyldyǵyna arnalǵan úzdik týyndy» nomınasııa ıesi 3 mln. teńge, al qalǵan jeńimpazdarǵa 2 mln teńge tabys etildi.
