Taǵy da «A» korpýsy týraly

«Egemen Qazaqstan» gazetiniń bıylǵy 18 aqpan kúngi nómirinde jýrnalıst  Temir Qusaıynnyń «Zańdy jattap alǵanymen...» atty taldaý maqalasy jarııalanǵan bolatyn. Munda avtor ótken jyly «A» korpýsyna kadrlar rezervinen taǵaıyndalǵan keıbir laýazymdy tulǵalardyń búgingi is-qımyldary men qyzmet barysy, memlekettik qyzmet etıkasymen syıysa bermeıtin qylyqtary jóninde óziniń uqqan-túıgen jýrnalıstik paıymdaýlary men kózqaras­taryn gazet oqyrmandarynyń nazaryna usyndy. Elimizdiń  bas basylymy kótergen osy kókeıkesti de ózekti másele Oral óńirindegi memlekettik qyzmetshiler men sarapshy mamandar arasynda úlken qyzyǵýshylyq týǵyzdy. Atalǵan saraptamalyq dúnıege qatysty aımaqta ártúrli usynys-pikirler men tilekter aıtyldy. Buǵan baılanysty keńes qosqandar da kóp boldy. Osy arada Memlekettik qyzmet isteri agenttigi tóraǵasy Álıhan Baımenov gazettiń shyǵarmashylyq ujymyna jáne maqala avtoryna jazbasha túrde rızashylyq bildirgenin de aıta ketkendi jón kóremin. Sondaı-aq, «Egemende» ja­rııa­­lanǵan búgingi kún taqy­rybyna egjeı-tegjeıli toqtal­ǵan saraptamaǵa qatysty pikir­talastar áli kúnge deıin tolastamaı keledi. Munyń ózi «A» korpýsy quramyna kiretin laýazymdy qyzmetti atqaryp júrgenderge óz isterine syn kózben ári úlken jaýapkershilikpen qaraýlaryna óz yqpalyn tıgizedi dep sengimiz keledi. Atalǵan gazet materıaly bizdiń departament ujymynda da jan-jaqty talqylanyp, áriptesterimiz bir-birimen ózara oı bólisti. Bizdiń oıymyzsha, aldaǵy kezde zańdy jattap alsań bolǵany, «A» korpýsy quramyna kiretin qyzmet oryndaryna emin-er­kin jaıǵasyp ornalasýǵa bolady eken degen teris uǵym men tú­sinik qalyptaspaýy kerek. Álbette, zańdardy jattap alý­dyń eshqandaı qajeti de, qısy­ny da joq. Ony júrekpen qabyl­dap, uǵyný men túsiný kerek. Tek sonda ǵana zańdardy kúndelikti qyzmet barysynda durys qoldanýǵa bolady. Osy kózqarastyń aıqyndyǵyn ómirdiń ózi de dáleldep keledi. Talas joq, «A» korpýsyna qatysty ótkizilgen konkýrsta oǵan negizinen laıyqtylar ótkeni kámil. О́ıtkeni, olar synnan sú­­rin­beý úshin birneshe irikteý satylaryn artqa tastady. Sonyń eń bastysy Elbasy Jarlyǵymen qurylǵan Kadr saıasaty jónindegi ulttyq komıssııa ekeni belgili. Buǵan qosa óńirlerdegi kadrlyq komıssııalar da óz jumystaryna jaýapkershilikpen qaraı bildi. Osyndaı áńgimelesý satylarynan ótkenderge syn taǵý qıyn-aq. Olardyń arasynda halyqpen qoıan-qoltyq jumys isteı bilý daǵdylaryn meńgergender de jetkilikti. Árıne, teorııalyq ázirlikteri jetkilikti bolǵa­nymen, tájirıbesi kemshin soǵyp jatqan kadrlar da joq emes. Bul jóninde maqala avtory oryndy másele qozǵaǵan. Konkýrstyq irikteýdiń bi­rinshi satysy kezinde zańdarǵa qosa logıkalyq oılaý qabileti men jeke basqarýshylyq qu­zy­ret­tilik deńgeıin anyqtaıtyn sy­naqtardy da qosa tapsyrdy. Búgingi tańda «A» korpýsy ákimshilik laýazymdaryna qoıylatyn arnaıy biliktilik talaptary jáne olarǵa rotasııa júrgizý qaǵıdalary respýblıka Prezıdenti N.Á.Nazarbaevtyń jarlyqtarymen bekitilip, soǵan sáıkes aldaǵy kezde test baǵ­darlamasyna ózgerister engizý kózdelip otyr. Elbasynyń saıası kúsh-ji­geri arqasynda ótken jyly eli­mizde alǵashqy ret ótkizilgen bas­qarýshylyq deńgeıdegi mem­lekettik qyzmetshilerdiń ara­syndaǵy konkýrs jalpy mem­lekettik qyzmettiń qazaq­stan­dyq jańa modeli TMD elderi, sonyń ishinde reseılik ǵalymdar arasynda úlken qyzyǵýshylyǵyn týǵyzǵanyn da ınternet kózderi men aqparat betteri arqyly ta­nysyp júrmiz. Astanada mem­­le­kettik qyzmet salasynda О́ńir­lik habtyń qurylýy da sala­daǵy iske jańasha serpin ber­mek. О́ıtkeni, osy arqyly mem­­lekettik qyzmetke qatysty aqpa­rattardy taldap taratýǵa bolady. Maqalada kórsetilgendeı, «A» korpýsyndaǵy kadrlyq rezerv quramy udaıy jańartylyp, jańǵyryp otyratyny tabıǵı qubylys. Osy jaıtty nazarǵa ala otyryp qazirgi tańda qyz­met atqaryp júrgen laýazym­dy tulǵalar men aýdan ákimderi alda turǵan mindetterdi oıdaǵy­daı oryndaý úshin zor jaýap­ker­shilikti udaıy sezinip júrgenin qalaımyz. Ákimgereı SERǴALIN, Memlekettik qyzmet isteri agenttiginiń Batys Qazaqstan oblysy boıynsha departament basshysy – Tártiptik keńes tóraǵasy.