Astronomdar erekshe juldyzdy sýretke túsirip aldy

«Habbl» teleskopynyń málimetterimen jumys isteıtin astronomdar erekshe juldyzdar aǵynyn sýretke túsirip aldy. Bul týraly «Habar» telearnasy habarlady. «Kógildir tústi juldyzdar galaktıka keńistiginen bólinip, tómen qaraı jyljyp bara jatqan tárizdi», – deıdi ǵalymdar. Ádette mundaı qubylys aspan deneleriniń bir-birimen úıkelisip, qandaı da bir kúsh túsirý kezinde paıda bolady eken. «Demek, shıyrshyqty galaktıka ózi ornalasqan ortanyń ishinde joǵary jyldamdyqpen jyljyǵan bolýy yqtımal», dep túsindirdi astronomdar. Iаǵnı, bul ekeýi ózara úıkelisken kezde juldyzdar shoǵyry galaktıkaǵa kúsh túsirip, gazyn joıyp jibergen. Sol sebepti, gazdan aıyrylǵan galaktıka «álsireıdi». Al eki túrli aspan denesine tıesili juldyzdar bir-birimen soqtyǵyssa, kerisinshe, qaıta jandanyp, «shyraılana» túsedi eken. Jalpy, mundaı zertteýler galaktıkalardyń qanshalyqty ómirsheń ekendigin anyqtaýǵa baǵyttalatyn kórinedi. Derekkóz: Khabar.kz. Foto: Salon.su.