Fýtbol: Qazaqstan jastar quramasy jeńiske jetti

Qazaqstan quramasy 2015 jyly jastar arasynda ótetin Eýropa chempıonatynyń irikteý týrnırinde Islandııany qabyldap, 3:2 esebimen jeńiske jetti. Bul týraly Qazaqstan fýtbol federasııasy habarlady. Bul kezdesý tartysty jáne qyzyqty ótti. Oıynnyń alǵashqy mınýttarynda alań ıeleri bir gol soǵýǵa múmkindik aldy. 7 mınýt aralyqta Toqtar Jańǵylyshbaı qonaqtar qaqpashysynyń qateligin paıdalanyp, Stanıslav Lýnınge pas berdi. Osy kezde eshkimniń qaraýynsyz qalǵan qazaqstandyq oıynshy bos qaqpaǵa gol soqty.  Sodan keıin bes mınýt ótkende Roman Murtazaev dopty taǵy da torǵa dál baǵyttady. Birinshi taım osylaı 2:0 esebimen aıaqtaldy. Al matchtyń ekinshi jartysynda alań ıeleri «beldikterin» bosatyp oınaǵanda qonaqtar eki birdeı dop soǵýǵa múmkindik aldy. Osy kezde bizdiń qurama qaıta shabýylǵa kóshti. Sonyń nátıjesinde matchtyń 90-mınýtynda Islambek Qýattyń alystan tepken doby Qazaqstan quramasyna jeńis syılady. Kezdesýde Islandııa komandasynda Holmbert Frıdonsson men Iortıýr Hermannsson bir-bir doptyń avtory atandy. Dastan Kenjalın. Derekkóz: http://kazsporttv.kz