Kontrabanda qolǵa tústi

Taraz shekara otrıadyna qarasty «Sypataı batyr» zastavasynyń narıady qyzmet barysynda shekaradaǵy ınjenerlik qurylǵylardyń buzylyp, Qyrǵyz jerinen elimizge qaraı ótken birneshe jylqynyń izderin baıqady. Iz kesken shekarashylar Myńqazan eldi mekenine qaraı jolǵa shyqqan. Olar jolda úsh jylqyny artyp alǵan «GAZ-53» avtomashınasyn toqtatty. Sóıtse jylqylardy shekaradan zańsyz ótkizýge tyrysqandar eki otandasymyz bolyp shyqty. Al Oral shekara otrıadyna qarasty «Aqsaı avto» ótkizý-baqy­­­laý pýnktiniń saqshylary 65 jastaǵy reseılik azamatty ustady. Jalpy salmaǵy alty kılogramm bolatyn bekire balyqtaryn «Ford» avtokóligine jasyrǵan azamat olardy elimizden Reseıge zańsyz alyp ótpek bolǵan. Sol sııaqty Aqtóbe shekara otrıadynyń shekarashylary «Kamaz» avtokóligimen Reseıge ketip bara jatqan elimizdiń úsh azamatyn toqtatty. Álgi avtokólikti tekserý barysynda jalpy salmaǵy 48 tonna bolatyn, aldyn ala baǵasy 1 776 000 teńgeni quraıtyn qara metall ónimderin tapty. «Jaısań avto» ótkizý-baqylaý pýnktiniń baqylaýshylary Qazaq­stannan Reseıge tirkemeli «DAF» avtokóligimen ketip bara jatqan 50 jastaǵy Ýkraın azamatyn ustady.  Ol jalpy salmaǵy 20 tonna bolatyn elektrotermııalyq ferrofosfor ónimin qıturqy árekettermen (jalǵan qujattarmen) Ýkraınaǵa alyp ótýge árekettengen, dep habarlady  UQK ShQ baspasóz qyzmeti.