Qazaqstan Respýblıkasy Úkimetiniń qaýlysy №211

2014 jylǵy 11 naýryz Astana, Úkimet Úıi «Qazaqstan Respýblıkasynyń kedendik baj stavkalary týraly» Qazaqstan Respýblıkasy Úkimetiniń 2010 jylǵy  7 maýsymdaǵy №520 qaýlysyna ózgeris engizý týraly Qazaqstan Respýblıkasynyń Úkimeti qaýly etedi: 1. «Qazaqstan Respýblıkasynyń kedendik baj stavkalary týraly» Qazaq­stan Respýblıkasy Úkimetiniń 2010 jylǵy 7 maýsymdaǵy №520 qaý­ly­syna (Qazaqstan Respýblıkasynyń PÚAJ-y, 2010 j., №36, 304-qujat) mynadaı ózgeris engizilsin: kórsetilgen qaýlymen bekitilgen Qazaqstan Respýblıkasynyń taýarlar­dyń jekelegen túrlerine kedendik áketý bajdarynyń stavkalarynda: «2709 00 900 9 Shıki munaı – 60 dollar 60 dollar» degen jol mynadaı redaksııada jazylsyn: «2709 00 900 9 Shıki munaı – 80 dollar 80 dollar». 2. Qazaqstan Respýblıkasy Syrtqy ister mınıstrligi eki apta merzimde Eýrazııalyq ekonomıkalyq qoǵamdastyqtyń Integrasııalyq Komıtetiniń Hatshylyǵyn Qazaqstan Respýblıkasynyń Úkimet qabyldaıtyn syrtqy saý­da qyzmetin retteý sharalary týraly habardar etsin. 3. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri         S.AHMETOV.