Asqar Jumaǵalıev Baılanys jáne aqparat agenttiginiń tóraǵasy bolyp taǵaıyndaldy

Úkimet qaýlysymen Asqar Qýanyshuly Jumaǵalıev Baılanys jáne aqparat agenttiginiń tóraǵasy bolyp taǵaıyndaldy. Bul týraly Egemen.kz tilshisi habarlady. A. Q. Jumaǵalıev 1972 jyly týǵan. Sývorov ýchılıshesin, Harkov raketa áskerleriniń joǵary komandalyq – ınjenerlik ýchılıshesin,Q. Sátpaev atyndaǵy Qazaq ulttyq tehnıkalyq ýnıversıtetin jáne Qazaq gýmanıtarlyq zań ýnıversıtetin támamdaǵan. Kólik jáne kommýnıkasııa mınıstrliginde Baılanys salasyndaǵy memlekettik qadaǵalaý basqarmasynyń bastyǵy, Baılanys jáne aqparattandyrý komıtetiniń tóraǵasy boldy. Sonymen birge, Aqparattandyrý jáne baılanys agenttigi qurylǵan sátte tóraǵa orynbasary, odan keıin tóraǵa mindetterin atqardy. 2005 jyldyń mamyrynan bastap, Aqparattandyrý jáne baılanys agenttigi tóraǵasynyń birinshi orynbasary boldy. Al 2006 jyly  Aqparattandyrý jáne baılanys agenttiginiń tóraǵasy laýazymyna taǵaıyndaldy.2006 -2010 jyldar aralyǵynda «Qazaqtelekom» AQ basqarma tóraǵasy bolyp qyzmet atqarǵan. Memleket basshysynyń Jarlyǵymen 2010 jyly Baılanys jáne aqparat mınıstri jáne 2012 jyly Kólik jáne kommýnıkasııa mınıstri bolyp taǵaıyndaldy. «Qazaqstan Konstıtýsııasyna 10 jyl»  medalimen marapattalǵan jáne oǵan 2005 jyly «Qurmetti baılanysshy» ataǵy berildi. Sondaı-aq,  «Iý.A.Gagarın atyndaǵy altyn medal»  men «Qurmet» ordeniniń ıegeri. Ámirhan Almaǵanbetov. Derekkóz: Egemen.kz. Foto: Primeminister.kz.