Qazaqstan Respýblıkasynyń Bas memlekettik sanıtarlyq dárigeriniń qaýlysymen jumys jáne demalys kúnderi saýda jáne oıyn-saýyq ortalyqtaryna, saýda úılerine, saýda jelilerine (azyq-túlik emes, saýda alańy 6 myń sharshy metrden astam), sondaı-aq karaokege tek qaýipsiz «jasyl» mártebesi bar qyzmetkerler men kelýshilerdiń kirýine ruqsat etiledi. «Jasyl» mártebeliler – vaksınalaý, synama alynǵan sátten bastap 7 kúnnen aspaıtyn teris nátıjesi bar PTR-testi, turaqty medısınalyq qarsy kórsetilimderi bar, sońǵy 3 aı ishinde aýyryp saýyqqan adamdar. Iаǵnı atalǵan nysandarǵa Ashyq qosymshasynda mártebesi «kók» tústi bolyp turǵan azamattar kire almaıdy.
Qabyldanǵan sharalar koronavırýstyń «Omıkron» túriniń taralý jáne juǵý jyldamdyǵyn eskere otyryp, aldyn alýǵa negizdelgen. Bul jańa shtamm qazirdiń ózinde álemniń 110 elinde tabyldy.
«Omıkron» shtamynyń qarqyndy taralýy birqatar eldiń densaýlyq saqtaý júıesine shamadan tys salmaq salyp otyr. Osyǵan baılanysty qabyldanyp otyrǵan sharalar epıdemııalyq jaǵdaıdyń turaqtylyǵyn saqtaýǵa, aýrýlar sanynyń ósý qaýpin azaıtýǵa, neǵurlym qatań shekteý sharalaryn engizýge jol bermeýge baǵyttalǵan.
Koronavırýstyń bul túriniń juqpalylyǵy «Delta» nusqasyna qaraǵanda bes ese joǵary ekenin este saqtaý kerek, qaıta juqtyrý qaýpi joǵary. Dúnıejúzilik densaýlyq saqtaý uıymynyń boljamy boıynsha aýrý birneshe aıdyń ishinde búkil álemge taralýy múmkin.
